Pics : ફિલ્મફૅર નૉમિનેશન પાર્ટીમાં છવાયું ગ્લૅમર

Published: Thursday, January 16, 2014, 15:48 [IST]

મુંબઈ, 16 જાન્યુઆરી : બૉલીવુડમાં એક વખત એવો હતો કે ખાસ અને મહત્વના ઍવૉર્ડ્સ ફંક્શન યોજાતા હતાં, પરંતુ હવે તો અનેક ઍવૉર્ડ્સ ફંક્શન યોજાતા રહે છે. આમ છતાં બૉલીવુડને સૌથી વધુ જે ઍવૉર્ડનો ઇંતેજાર રહે છે, તે છે ફિલ્મી દુનિયાનો સર્વશ્રેષ્ઠ ઍવૉર્ડ ફિલ્મફૅર.

સ્ક્રીન ઍવૉર્ડ્સ બાદ હવે બૉલીવુડ માટેનો સૌથી મહત્વનો ઍવૉર્ડ ફંક્શન ફિલ્મફૅર ઍવૉર્ડ્સ ફંક્શન યોજાનાર છે. બૉલીવુડની તમામ હસ્તીઓ આવી સાંજનો આતુરતાપૂર્વક ઇંતેજાર કરતી હોય છે. ફિલ્મફૅર ઍવૉર્ડ્સ માટે જોરદાર તૈયારીઓ થાય છે. સિતારાઓના ઠુમકા અને ઍવૉર્ડ્સની ભરમાર આ સાંજને વધુ રંગીન બનાવી દે છે.

એમ તો શિરસ્તો ઍવૉર્ડ જીત્યા બાદ પાર્ટી યોજવાનો રહ્યો છે, પરંતુ હવે ઍવૉર્ડ અગાઉ નૉમિનેશન પાર્ટી રાખવાની પણ પરમ્પરા શરૂ થઈ ગઈ છે. આ જ ક્રમે ગઈકાલે મુંબઈમાં ફિલ્મફૅર પ્રી ઍવૉર્ડ્સ નૉમિનેશન પાર્ટી યોજવામાં આવી કે જેમાં બૉલીવુડની તમામ મોટી હસ્તીઓ હાજર રહી હતી.

સૌથી મહત્વની હાજરી દીપિકા પાદુકોણેની ગણી શકાય, કારણ કે ગત વર્ષે સતત ચાર ફિલ્મો હિટ આપનાર દીપિકા પાદુકોણે દરેક ઍવૉર્ડ્સ સમારંભમાં એકથી લઈ ચાર-ચાર ઍવૉર્ડ્સ જીતી રહ્યાં છે. ઉપરાંત આ પાર્ટીમાં રણવીર સિંહ પણ હાજર રહ્યા હતાં કે જેઓ રામલીલા ફિલ્મમાં દીપિકાના કો-સ્ટાર છે.

આવો તસવીરોમાં જોઇએ ફિલ્મફૅર પ્રી-ઍવૉર્ડ્ નૉમિનેશનલ પાર્ટી :