Cannes 2022: 75માં કાંસમાં ભારતે વિખેર્યો જલવો, જાણો આ વર્ષે શું છે ખાસ
કાંસ ફિલ્મ ફેસ્ટીવલ 2022નો આગાઝ 17 મેના રોજ થઈ ચૂક્યો છે. જાણો આ વર્ષે શું છે ખાસ.
મુંબઈઃ કાંસ ફિલ્મ ફેસ્ટીવલ 2022નો આગાઝ 17 મેના રોજ થઈ ચૂક્યો છે. કન્ટ્રી ઑફ ઑનર બનેલ ભારત માટે આ વર્ષનો ફેસ્ટીવલ ખૂબ જ ખાસ છે. ફેસ્ટીવલની શરુઆત થતા જ રેડ કાર્પોટ પર એક્ટર્સે પોતાના લુકથી બધાનુ મન મોહી લીધુ. તમને જણાવી દઈએ કે આ વર્ષના કાંસ ફિલ્મ ફેસ્ટીવલમાં ભારત તરફથી 6 ફિલ્મો બતાવવામાં આવી રહી છે. જેમાં તમિલ, મલયાલમ, હિંદી અને મરાઠી ભાષાની ડૉક્યુમેન્ટરી શામેલ છે. આ વખતે કાંસ ઘણી રીતે ખાસ છે. દેશને કન્ટ્રી ઑફ ઑનર મળ્યા. અનુરાગ ઠાકુરના રેડ કાર્પેટ પર વૉક કરવાથી લઈને અભિનેત્રી દીપિકા પાદુકોણના જ્યુરી મેમ્બર્સમાં શામેલ થવા સુધી આ વખતનો ફેસ્ટીવલ ઘણો અલગ અને સ્પેશિયલ છે.
જ્યારે રેટ કાર્પેટ પર વૉક કરતા જોવા મળ્યા અનુરાગ ઠાકુર
પહેલીવાર આવુ બન્યુ છે કે જ્યારે કોઈ નેતા કાંસ પહેલીવાર રેડ કાર્પેટ પર વૉક કર્યુ હોય. હા! કેન્દ્રીય માહિતી અને પ્રસારણ મંત્રી અનુરાગ ઠાકુરે નવાઝુદ્દીન સિદ્દીકી, શેખર કપૂર અને એઆર રહેમાન સાથે રેડ કાર્પેટ પર વોક કર્યુ હતુ. અનુરાગ ઠાકુરે દેશને 'ગ્લોબલ કન્ટેન્ટ હબ' તરીકે રજૂ કરવામાં કોઈ કસર છોડી નથી. તે ફેસ્ટિવલના પહેલા જ દિવસે રેડ કાર્પેટ પર વૉક કરતા જોવા મળ્યા હતા. આ દરમિયાન તે ગોલ્ડન કલરના સૂટમાં ખૂબ જ આકર્ષક લાગી રહ્યા હતા. ફેસ્ટિવલના બીજા દિવસની વાત કરીએ તો તે પણ તેમના માટે ખૂબ જ વ્યસ્ત હતો. તેમણે આ વર્ષે કન્ટ્રી ઑફ ઑનર મળવા બદલ ખુશી પણ વ્યક્ત કરી હતી. ઠાકુરે કાંસમાં ભારતીય પેવેલિયનનુ ઉદ્ઘાટન પણ કર્યું હતું.
દેસી લુકમાં દીપિકાએ લગાવ્યો ગ્લેમરનો તડકો
જો આપણે ફિલ્મ સ્ટાર્સની વાત કરીએ તો તેઓ ફેસ્ટિવલની શરૂઆતથી જ ચર્ચામાં છે. કાંસ ફિલ્મ ફેસ્ટિવલની શરૂઆતથી જ અભિનેત્રી દીપિકા પાદુકોણ ચર્ચાનો વિષય બની છે. ખાસ વાત એ છે કે આ વખતે અભિનેત્રી કાંસમાં જ્યુરી સભ્ય તરીકે જોડાઈ છે. ફિલ્મ ફેસ્ટિવલને દેશની જીત ગણાવતા દીપિકાએ કહ્યું હતું કે દેશને કન્ટ્રી ઓફ ઓનર મળ્યું તે સન્માનની વાત છે. તમને જણાવી દઈએ કે જ્યારથી રેડ કાર્પેટ લુક સામે આવ્યો છે ત્યારથી અભિનેત્રી સોશિયલ મીડિયા પર છવાયેલી છે. દર વખતની જેમ આ વખતે પણ દીપિકા ખૂબ જ આકર્ષક અને સુંદર લાગી રહી હતી. રેડ કાર્પેટ માટે, અભિનેત્રીએ સબ્યસાચી દ્વારા ડિઝાઇન કરાયેલ કાળી અને સોનેરી ચમકદાર સાડી પહેરી હતી જેની ડિઝાઇન બંગાળના વાઘથી પ્રેરિત હતી.
વ્હાઈટ રફલ ગાઉનમાં દેખાઈ ઉર્વશી
અભિનેત્રી ઉર્વશી રૌતેલાએ કાંસ ફિલ્મ ફેસ્ટિવલમાં રેડ કાર્પેટ પર વૉક કર્યું. આ દરમિયાન તેણે વ્હાઇટ રફલ ગાઉનમાં બધાનુ ધ્યાન ખેંચ્યુ હતુ. વ્હાઈટ કલરના રફલ ગાઉનમાં ઉર્વશી કોઈ રાજકુમારીથી કમ નથી લાગી રહી. સફેદ આઉટફિટ સાથે લાલ લિપસ્ટિક લગાવીને સુંદરતામાં વધારો કર્યો. ઉર્વશીએ તેની તસવીર ઈન્સ્ટાગ્રામ પર શેર કરી છે. ઉર્વશીએ તસવીર સાથે લખ્યું- કાંસ ફિલ્મ ફેસ્ટિવલ 2022. ડ્રીમ ડેબ્યૂ. આભાર યુનિવર્સ. ઉર્વશીની આ પોસ્ટ પર ફેન્સ ઘણો પ્રેમ વરસાવી રહ્યા છે.
Click it and Unblock the Notifications
Sign in with Google
