ચેન્નઈ એક્સપ્રેસમાં રાહુલને ટિકિટ મળી, અજય રહી ગયા વેટિંગમાં

મુંબઈ, 2 જાન્યુઆરી : બૉલીવુડના જાણીતાં દિગ્દર્શક રોહિત શેટ્ટીએ પોતાના કૅરિયરમાં અત્યાર સુધી જેટલીય ફિલ્મો બનાવી છે, તેમાંથી મોટાભાગની ફિલ્મોમાં અજય દેવગણ હીરો રહ્યાં છે, પરંતુ આગામી ફિલ્મ ચેન્નઈ એક્સપ્રેસમાં આ વખતે અજય દેવગણને સીટ મળી નથી. ફિલ્મના હીરો છે શાહરુખ ખાન અને હીરોઇન દીપિકા પાદુકોણ છે. આ અગાઉ કહેવાતુ હતું કે ફિલ્મમાં કરીના કપૂર કે પછી અસીન હશે, પરંતુ દીપિકા લીડ રોલ પામવામાં સફલ રહ્યાં છે. શાહરુખ ખાન રાહુલ નામનું પાત્ર ભજવી રહ્યાં છે.

આપ વિચારતાં હશો કે આખરે વેટિંગ લિસ્ટમાં અજય કેવી રીતે કહેવાય? તો આપને બતાવી દઇએ કે હકીકતમાં ફિલ્મમાં અજય દેવગણ ગેસ્ટ ઍપીરિયંસમાં નજરે પડશે. શાહરુખ તો મેન હીરો છે એટલે કે તેમની ટિકટ કન્ફર્મ થઈ ચુકી છે જ્યારે અજયની સીટ કન્ફર્મ નથી થઈ, માટે તેઓ ગેસ્ટ ઍપીરિયંસમાં આવી ગયાં. ખેર જ્યાં સુધી ફિલ્મની વાત છે, તો ફિલ્મનું નામ જોઈ લાગે છે કે કદાચ ફિલ્મ ચેન્નઈ એક્સપ્રેસ ટ્રેન ઉપર જ શુટ કરાઈ હશે. હકીકતમાં ફિલ્મ એક રાહુલ નામના છોકરાની આજુબાજુ ફરે છે કે જે મુંબઈથી રામેશ્વરમ સુધીની સફર કરે છે.

મુંબઈથી રામેશ્વરમ સુધીની સફર દરમિયાન અનેક બનાવો બને છે કે જે દર્શકોના દિલોમાં રોમાંચ પેદા કરે છે. જોકે ફિલ્મમાં શાહુખ એટલે કે આપણાં કિંગ ઑફ રોમાંસ છે, તો પછી રોમાન્ટિક સીન્સ પણ હશે, તો સાથે જ ફિલ્મ રોહિત શેટ્ટીની છે એટલે કૉમેડી અને એક્શનનો પણ ચોક્કસ સમાવેશ કરાશે. દીપિકા અને શાહરુખ પૂરા પાંચ વરસ પછી સાથે નજરે પડનાર છે. હાલ તો ફિલ્મનો ફર્સ્ટ લુક લૉન્ચ થઈ ચુક્યો છે.

English summary

Chennai Express first look has been released. Rohit Shetty first time working with Shahrukh Khan. Earlier Rohit has worked with Ajay Devgan in his 8 movies this time Ajay will be seen in guest appearance. Shahrukh Khan will be seen romancing with Deepika Padukone.