• search
For Quick Alerts
ALLOW NOTIFICATIONS  
For Daily Alerts

રાજ-સિમરનની લવ-સ્ટોરીની યાદ અપાવશે ‘જબ તક હૈ જાઁ’

By Kanhaiya
|

અમદાવાદ. 10 સપ્ટેમ્બર: શાહરુખ ખાનનું નામ પડતા જ સૌપ્રથમ આંખોની સામે ‘દિલવાલે દુલ્હનિયા લે જાયેંગે' (ડીડીએલજે) ના મસ્તીખોર અને પોતાના પ્રેમ માટે કઈં પણ કરી છુટનાર રાજની તસવીર ઉપસી આવે છે. હવે ઘણાં વર્ષો પછી શાહરુખ ખાન ફરી એક વાર પોતાના તે જ જુના રોમેંટિક રોલમાં નજરે ચડશે પોતાની નવી ફિલ્મ ‘જબ તક હૈ જાઁ' માં. આજે સવારે જ એક રાષ્ટ્રીય સમાચાર પત્રના મુખપૃષ્ઠ ઉપર યશ ચોપરાની આ લવ-સ્ટોરિકલ ફિલ્મનું નામ ‘જબ તક હૈ જાં' પ્રસિદ્ધ થયું છે. સાથે જ ફિલ્મનું પોસ્ટર અને એક પ્રેમ ભરી રોમેંટિક શાયરી પણ પ્રસિદ્ધ થઈ છે.

ચર્ચા છે કે આ ફિલ્મમાં શાહરુખ ખાન બે પ્રકારની ભૂમિકા ભજવશે. ફિલ્મની શરુઆતમાં તે ડીડીએલજેના રાજની જેમ રોમેંટિક ભૂમિકામાં દેખાશે અને મધ્યાંતર પછી એક કઠોર સૈનિક તરીકે. આ ફિલ્મમાં શાહરુખ-કેટરીના કૈફ અને અનુષ્કા શર્માની ત્રિકોણીય પ્રેમ-કહાની દર્શાવાઈ છે. હવે રાજની સિમરન કેટ છે કે અનુષ્કા, તે તો ફિલ્મ રિલીઝ થયા પછી જ ખબર પડશે.

હાલ તો ફિલ્મનું નામ જાણીને શાહરુખના ફેંસને ઘણી રાહત મળી છે. અત્યાર સુધી ફિલ્મ ઇન્ડસ્ટ્રીએ શાહરુખને ઘણા રોલ્સમાં જોયા છે. ડૉન, પાગલ પ્રેમી, કૉચ વિગેરેના રોલ શાહરુખે કર્યા છે, પરંતુ તેમને સૌથી વધુ પસંદ કરાયાં લવર બ્વૉયની ભૂમિકામાં. યશ ચોપરા અને શાહરુખની જોડીએ અગાઉ પણ બૉક્સ ઑફિસ ઉપર ઘણી ધૂમ મચાવી હતી. હવે 8 વરસ પછી ફરી એક વાર યશ ચોપરા દિગ્દર્શનની દુનિયામાં પગલા માંડી રહ્યા છે અને આ ફિલ્મ દ્વારા તેઓ ચોપરા અને ખાનની સફળતાનો ઇતિહાસ દોહરાવવા માંગે છે. આ ફિલ્મમાં સંગીત આપ્યું છે ઑસ્કર એવૉર્ડ વિજેતા એ. આર. રહેમાને.

અગાઉ આ ફિલ્મના નામ અંગે ઘણી બધી અટકળો વહેતી થયેલી. ક્યારેક એમ કહેવાયું કે ફિલ્મનું નામ ‘યે કહાં આ ગયે હમ' છે, તો ત્યારેક બીજા નામો ચર્ચામાં આવ્યાં, પરંતુ ફાઇનલી હવે ફિલ્મનું નામ ઑફિશિયલ જાહેર થઈ જ ગયું. આ ફિલ્મ આ વર્ષના અંતે 13મી નવેમ્બરે રિલીઝ થશે.

English summary
Shahrukh Khan's untitled movie with Yash Chopra has finally got a title. The name of the movie is Jab Tak Hai Jaan.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more