Hit and Run Case: સલમાન વિરૂદ્ધ આરોપ નક્કી કરાયા
મુંબઇ, 24 જુલાઇ: હિટ એન્ડ રન કેસમાં મુંબઇની સેશન્સ કોર્ટમાં બૉલીવુડ કલાકાર સલમાન ખાન વિરૂદ્ધ બુધવારે આરોપો નક્કી કરવામાં આવ્યાં હતા. જો કે આ પહેલાં એમ કહેવામાં આવતું હતું કે જજની બદલીના કારણે સુનાવણી ટળી ગઇ છે. કોર્ટે એમપણ કહ્યું છે કે જો આ મામલે જરૂરિયાત જણાશે તો સલમાન ખાનને કોર્ટમાં હાજર થવું પડશે. આ મુદ્દે જો સલમાન દોષી સાબિત થશે તો તેમને 10 વર્ષની સજા થઇ શકે છે.
અત્રે ઉલ્લેખનીય છે કે મુંબઇની સેશન્સ કોર્ટમાં હવે સલમાન ખાન વિરૂદ્ધ બિન-ઇરાદાપૂર્વક હત્યાનો કેસ ચાલી રહ્યો છે. આ પહેલાં કેટલાક વર્ષો સુધી સલમાન ખાન વિરૂદ્ધ બેદરકારીનો મુદ્દો મુંબઇની બાંદ્રા કોર્ટમાં ચાલતો હતો. પરંતુ પુરાવાના ધ્યાનમાં રાખતાં સલમાન ખાન વિરૂદ્ધ બિન-ઇરાદાપૂર્વક હત્યાનો કેસ ચલાવવાનો આદેશ આપ્યો હતો.
સલમાન ખાન પર આરોપ છે કે સપ્ટેમ્બર 2002માં તે દારૂના નશામાં ધૂત બનીને પૂરપાટ ઝડપે કાર ચલાવી રહ્યાં હતા. કાર પરથી સંતુલન ગુમાવવાના કારણે સલમાન ખાનની કાર નીચે 5 લોકો કીચડાઇ ગયા હતા જેમાં એક વ્યક્તિનું મોત નિપજ્યું હતું અને આ અકસ્માતમાં ચાર લોકોને ઇજા પહોંચી હતી.