પાછી આવી રહી છે ધમાકેદાર જોડી, 200 કરોડની કમાણી પાક્કી

ઘણા સમય પછી દીપિકા પાદુકોણના કામ સાથે જોડાયેલી ખબરો આવી રહી છે. માનવામાં આવી રહ્યું છે કે દીપિકા પાદુકોણ સંજય લીલા ભણસાલી સાથે ચોથી વાર કામ કરવા જઈ રહી છે.

By Prajapati Anuj

Published: Sunday, April 29, 2018, 14:02 [IST]

પદ્માવત પછી દીપિકા પાદુકોણે કોઈ નવો પ્રોજેક્ટ શરૂ નથી કર્યો. માનવામાં આવી રહ્યું હતું કે તેઓ વિશાલ ભારદ્વાજ સાથે એક નવા પ્રોજેક્ટ પર કામ શરૂ કરશે, જેમાં તેમની સાથે ઈરફાન ખાન હશે. પરંતુ આ દરમિયાન ઈરફાન ખાનની બીમારીથી બધા જ ચોંકી ગયા અને પ્રોજેક્ટ લટકી પડ્યો છે.

ખબર અનુસાર દીપિકાને પણ ડોક્ટરે આરામ કરવાની સલાહ આપી છે. ત્યારપછી ખબર આવી કે દીપિકા આ રજાનો ફાયદો ઉઠાવીને પોતાના લગ્નની શોપિંગ કરી રહી છે.

પરંતુ હવે ઘણા સમય પછી દીપિકા પાદુકોણના કામ સાથે જોડાયેલી ખબરો આવી રહી છે. માનવામાં આવી રહ્યું છે કે દીપિકા પાદુકોણ સંજય લીલા ભણસાલી સાથે ચોથી વાર કામ કરવા જઈ રહી છે. એટલું જ નહીં પરંતુ આ ફિલ્મ એક હલકી ફુલકી કોમેડી ફિલ્મ હશે.

હવે આ ફિલ્મમાં હીરો રણવીર સિંહ હશે કે નહીં તેના વિશે કોઈ જ માહિતી મળી નથી. પરંતુ કોમેડી અને રણવીર સિંહ એકદમ પરફેક્ટ મેચ છે. થોડા દિવસ પહેલા પણ એક ઇન્ટરવ્યૂમાં દીપિકા પાદુકોણ એવું કહેવા જોવા મળી હતું કે તેઓ રણવીર સિંહ સાથે એક નોર્મલ ફિલ્મ કરવા માંગે છે.

તો બસ હવે રાહ જોવાઈ રહી છે કે ફિલ્મમાં હીરો કોણ હશે.

Published On April 29, 2018