Pics : થોભો રામ... યે જવાની ‘ઓર’ થશે દીવાની!

Published: Tuesday, February 18, 2014, 16:15 [IST]

મુંબઈ, 18 ફેબ્રુઆરી : ફરી એક વાર અભિનેત્રી દીપિકા પાદુકોણેએ જણાવ્યું છે કે તેમની અને અભિનેતા રણવીર સિંહ વચ્ચે મૈત્રી ઉપરાંત કંઇ જ નથી. રામલીલા ફિલ્મમાં તેમની અને રણવીરની કેમેસ્ટ્રી અંગે જે લોકો વાતો કરે છે, તેની પાછળનું કારણ સંજય લીલા ભાનુશાળી લિખિત વાર્તા હતી કે જે બંનેએ રૂપેરી પડદે કલાકાર હોવાના નાતે ચરિતાર્થ કરી. તેનો બહુ મોટો ફાયદો થયો ફિલ્મને અને તે હિટ થઈ ગઈ, પણ દીપિકાએ જણાવ્યું કે ખબર નહીં લોકો મારા અને રણવીર અંગે કેમ વાતો કરી રહ્યાં છે.

દીપિકાએ જણાવ્યું - ગત વર્ષે મારી ચાર ફિલ્મો હિટ નિવડી અને ચારેયમાં મારા કો-સ્ટાર જુદા-જુદા હતાં. જેટલી વાતો રણવીર અંગે થઈ, એટલી બીજા કોઈ અંગે નથી થઈ. મારી કેમેસ્ટ્રી તો રણબીર કપૂર સાથે પણ સારી હતી અને શાહરુખ ખાન સાથે પણ. દીપિકાની આ વાત પર સૌના કાન સરવા થઈ ગયાં. સૌને ખબર છે કે દીપિકા-શાહરુખ અંગે કોઈ કંઈ વાત કરી શકે નહીં, પણ દીપિકાના મોઢે રણબીરનું નામ સરવું પોતાની રીતે એક ચોંકાવનારી બાબત છે.

દીપિકા પાદુકોણેએ આગળ જે કહ્યું તે વધુ ચોંકાવનારુ હતું. ચાલો તસવીરો સાથે જોઇએ શું કહ્યું દીપિકાએ :

ઇમ્તિયાઝની ફિલ્મમાં દીપિકા

દીપિકાએ જણાવ્યું કે તેમની આગામી ફિલ્મ ઇમ્તિયાઝ અલી સાથે છે કે જેનુ નામ જાહેર થવાનું બાકી છે.

જવાની વધુ થશે દીવાની

દીપિકાએ જણાવ્યું - ઇમ્તિયાઝની આ અનામ ફિલ્મમાં મારા કો-સ્ટાર રણબીર કપૂર જ છે.

આતુર દીપિકા

દીપિકા પાદુકોણેને ઇમ્તિયાઝ અલીની આ ફિલ્મનો આતુરતાપૂર્વક ઇંતેજાર છે, કારણ કે તેઓ કાયમ કંઇક હટીને કરે છે. તેથી મને ફિલ્મના શૂટિંગનો ઇંતેજાર છે.

હૅપ્પી ન્યુ ઈયરનો ઉલ્લેખ નહીં

દીપિકાએ આ પ્રસંગે તેમની આગામી ફિલ્મ હૅપ્પી ન્યુ ઈયર કે તેના નિર્માતા-દિગ્દર્શક ફરાહ ખાન કે સહ-કલાકાર શાહરુખ ખાન વિશે કોઈ ઉલ્લેખ કર્યો જ નહીં.

રણબીરની ઝંખના?

ઇમ્તિયાઝ અલીની ફિલ્મનું નામ લઈ દીપિકાએ રણબીર તરફ ઇશારો કર્યો છે. તો શું એમ સમજવામાં આવે કે મૅડમના મનમાં આજે પણ ક્યાંકને ક્યાંક રણબીર કપૂર માટેની ઝંખના છે.