મુંહ લગ ગયા...માં રણવીર-દીપિકાનું હૉટ લિપલૉક
મુંબઈ, 8 ઑક્ટોબર : સંજય લીલા ભાનુશાળીની ફિલ્મ રામલીલાના પ્રોમો તથા વિવાદે લોકોનું ધ્યાન આકર્ષ્યું છે. ફિલ્મના બે ગીતોએ તો મ્યુઝિક ચૅનલો ઉપર ધૂમ મચાવી છે અને ફિલ્મનું ત્રીજુ ગીત ટુંકમાં જ રિલીઝ થવાનું છે કે જે એક હોળી સૉંગ હશે. કહે છે કે આ ગીત બહુ કલરફુલ છે.
ગીતના બોલ છે લહુ મુંહ લગ ગયા... કે જેમાં હોળીના રંગો સાથે બહુ મસ્તી હશે અને આ ગીતની ખાસ વાત છે ગીતનું કિસિંગ સીન. કહે છે કે ફિલ્મનું ત્રીજુ ગીત બહુ હૉટ છે, કારણ કે આ ગીતમાં રણવીર સિંહ તથા દીપિકા પાદુકોણે વચ્ચે એક હૉટ લિપલૉક સીન હશે. 15મી નવેમ્બરે રિલીઝ થનાર રામલીલા ફિલ્મમાં રીચા ચડ્ઢા તથા સુપ્રિયા પાઠક પણ છે.
સંજય લીલા ભાનુશાળી જ આ ફિલ્મના સર્વેસર્વા છે. ફિલ્મનું સંગીત, દિગ્દર્શન, વાર્તા તથા નિર્માણ બધુ એમણે જ કર્યું છે. ફિલ્મ અંગે ધાર્મિક અને સામાજિક સંગઠનોએ વિરોધ વ્યક્ત કર્યો છે અને ફિલ્મ ઉપર બૅન મૂકવાની માંગણી કરી છે.