Pics : બ્રશ કરવામાં ચોર છે રણબીર : દીપિકા પાદુકોણે

Updated: Saturday, May 18, 2013, 12:14 [IST]

મુંબઈ, 18 મે : દીપિકા પાદુકોણે તથા રણબીર કપૂરની જોડી અને તેમની મૈત્રી આજકાલ ખૂબ ચર્ચામાં છે. બ્રેકઅપમાંથી પુનઃ ફિલ્મ દ્વારા જોડાયેલા રણબીર-દીપિકા અંગે લોકો ન ચાહીને પણ ચર્ચા કરવા મજબૂર થયાં છે.

રણબીર કપૂર અને દીપિકા પાદુકોણેની યે જવાની હૈ દીવાની ફિલ્મના પ્રમોશન અંગે આજકાલ ખૂબ ઈવેંટ્સ થઈ રહ્યાં છે. દરેક ઈવેંટ દરમિયાન રણબીર-દીપિકાને જ ફિલ્મની યૂએસપી બનાવી લોકો સમક્ષ રજૂ કરાઈ રહ્યું છે અને બંનેને એક જ સવાલ વારંવાર કરવામાં આવે છે અને તે સવાલ હોય છે તેમના સંબંધ અંગે.

તાજેતરમાં જ વાયજેએચડી ફિલ્મ સાથે જોડાયેલ બ્રાન્ડ ક્લોઝ અપ ટૂથપેસ્ટે એક ઈવેંટ યોજી કે જેમાં રણબીર અને દીપિકા ભાગ લીધો. આ ઈવેંટ દરમિયાન ક્લોઝઅપ દ્વારા લૉન્ચ કરવામાં આવેલ નવા સ્પેશિયલ પૅક સાથે રણબીર કપૂર તથા દીપિકા પાદુકોણેએ ઑટોગ્રાફ કરેલ એક ફ્રેંડશિપ બૅન્ડ પણ લોકોને મળશે.

મુંબઈની તાજ હોટેલમાં યોજાયેલ આ કાર્યક્રમ દરમિયાન બૉલીવુડની આ ચર્ચિત જોડી રણબીર કપૂર અને દીપિકા પાદુકોણેએ મીડિયાના સવાલોના જવાબ સાથે અનેક એવી વાતો પણ શૅર કરી કે જેથી સ્પષ્ટ થઈ ગયું કે રણબીર-દીપિકા એક-બીજાના કેટલા નજકી છે. દીપિકાએ જણાવ્યું કે રણબીર બ્રશ કરવામાં ચોર છે. તેમને બ્રશ કરવું બિલ્કુલ નથી ગમતું.

આવો તસવીરો સાથે જાણીએ રણબીર-દીપિકાએ બીજું શું-શું કહ્યું.

રણબીર-દીપિકાએ એક-બીજાને પહેરાવ્યાં ફ્રેંડશિપ બૅન્ડ

ક્લોઝ અપ ઈવેંટ દરમિયાન રણબીર અને દીપિકાએ એક-બીજાને ફ્રેંડશિપ બૅન્ડ પહેરાવ્યાં. બંનેએ પછી એક-બીજાના હાથોમાં હાથ નાંખી અનેક પોઝ પણ આપ્યાં.

રણબીરે કહ્યું - દોસ્તી તો પહેલાથી જ છે

રણબીરને પૂછવામાં આવ્યું કે હવે એક-બીજાને આપે ફ્રેન્ડશિપ બૅન્ડ પહેરાવ્યો છે, તો શું આ બંનેના સંબંધોમાં વધુ નિકટતાઓની શરુઆત છે? રણબીરે જવાબમાં જણાવ્યું - દીપિકા અને હું પહેલાથી જ એક-બીજાની નિકટ છીએ. આ ફ્રેન્ડશિપ બૅન્ડ પહેરાવવાથી કોઈ ફરક નથી પડતો. અમે તો પહેલાથી જ દોસ્ત છીએ.

દીપિકાએ કહ્યું - રણબીર બ્રશનો ચોર છે

દીપિકા પાદુકોણેએ આ ઈવેન્ટ દરમિયાન મજાનીવાત જણાવી કે રણબીર કપૂરને બ્રશ કરવું નથી ગમતું. દીપિકાની આ વાત સાંભળી ત્યાં હાજર તમામ લોકો હસવા લાગ્યાં. દીપિકાની આ વાત સાંભળી એટલું તો સ્પષ્ટ થઈ ગયું છે કે રણબીર-દીપિકા ક્યારેક કેટલા નજીક રહ્યાં છે.

રિલેશનશિપ કારણે મુશ્કેલી નહીં

રણબીરે જણાવ્યું - મારી ને દીપિકાની રિલેશનશિપ રહી છે, પરંતુ તેનાથી કોઈ ફરક નથી પડતો. અમે બંનેએ ફિલ્મમાં એક્ટિંગ કરી છે અને શૂટિંગ દરમિયાન અમે કોઈ પણ જાતની મુશ્કેલી ન થઈ.

મિત્રો સાથે ફરવા માંગે છે રણબીર

રણબીરને પૂછવામાં આવ્યું કે જો તેઓ રીયલ લાઇફમાં આ રીતે ક્યાંક ફરવા જાય, તો કોની સાથે જશે? રણબીરે જણાવ્યું - હું પોતાના મિત્રો સાથે ફરવા માંગીશ કે જેઓ થોડાક મજાના હોય અને વાતો કરવામાં હોંશિયાર હોય.