ચેન્નઈ એક્સપ્રેસ અને ક્રિશ 3નો રેકૉર્ડ તોડતી ધૂમ 3
મુંબઈ, 3 જાન્યુઆરી : આમિર ખાનની ફિલ્મ ધૂમ 3એ ક્રિસમસ પ્રસંગે રિલીઝ થયાબાદ માત્ર 25 જ દિવસોમાં શાહરુખ ખાનની ફિલ્મ ચેન્નઈ એક્સપ્રેસ તેમજ હૃતિક રોશનની ક્રિશ ફિલ્મનો રેકૉર્ડ તોડી નાંખ્યો અને વર્ષ 2013ની સૌથી વધુ કમાણી કરનાર ફિલ્મ બની ગઈ છે. ધૂમ 3એ રિલીઝ થતા અગાઉ જ માત્ર બ્રાન્ડ એસોસિએશન વડે જ ઘણી સારી કમાણી કરી લીધી હતી. રિલીઝ થયા બાદ ફિલ્મ અંગે જેટલો ઉત્સાહ હતો, તે જોતા પહેલા જ દિવસે 35 કરોડની કમાણી થઈ.
કૃષ્ણા આચ્રાય દિગ્દર્શિત ધૂમ 3 ફિલ્મ 20મી ડિસેમ્બરે ચાર હજાર થિયેટરોમાં રિલીઝ થઈ. લગભગ સો કરોડનું બજેટ ધરાવતી ફિલ્મે જોરદાર પ્રદર્શન કર્યું. સમીક્ષક તરણ આદર્શે ગુરુવારે ટ્વીટ કર્યું - ફિલ્મ ધૂમ 3ના બે અઠવાડિયા. ફિલ્મે હિન્દી ભાષી વિસ્તારોમાં 240.78 કરોડ રુપિયા કમાવ્યાં. તામિળ તેમજ તેલુગુમાં 11.92 કરોડની કમાણી કરી. સરવાળે 252.70 કરોડ રુપિયાની કમાણી. આ ફિલ્મે પ્રદર્શનના પહેલા જ દિવસે 36.22 કરોડની કમાણી કરી હતી અને બીજા દિવસે 33.36 તેમજ ત્રીજા દિવસે 38.09 કરોડની આવક હાસલ કરી હતી.