ઓહ... પાણીનું બિલ ચુકવવાનું ભૂલી ગયાં દીયા મિર્ઝા
હૈદરાબાદ, 18 જૂન : બૉલીવુડ અભિનેત્રી દીયા મિર્ઝા પાણીનું બિલ ભરવાનું ભુલી ગયાં? ભાઈ જેવા કે સમાચારો મળે છે, તેનાથી તો એવું જ લાગે છે કે કામની વ્યસ્તતાના કારણે કદાચ દીયા પાણીનું બિલ ભરવાનું ભુલી ગયા હશે. જોકે હવે સ્પષ્ટતા કરાઈ છે કે એવું એટલા માટે થયું, કારણ કે દીયાને પડતર બિલો અંગે માહિતી નહોતી.
મળતી માહિતી મુજબ તાજેતરમાં જ સમાચાર છપાયા હતાં કે દીયા મિર્ઝાએ પાણીના કનેક્શનનું બિલ ચુકવ્યું નથી. દીયાને આ માહિતી ત્યારે મળી કે જ્યારે આ સમાચાર અખબારોમાં છપાયાં. દીયાએ એક નિવેદનમાં જણાવ્યું - હું કાનુનનો પાલન કરનાર નાગરિક છું અને આ એટલી મોટી રકમ નથી કે હું ચુકવી ન શકું. એવું ભૂલમાં થયું છે અને કમનસીબ બાબત છે.
દીયાના વકીલ ગૌતમ મહમૂદે જણાવ્યું - દીયા મિર્ઝા પાણી પુરવઠા કનેક્શનની માહિતી નહોતી. હવે જ્યારે બાબત તેમના ધ્યાને આવી છે, તો તેઓ બે દિવસની અંદર જ પાણીનું બિલ ચુકવી દેશે. હૈદરાબાદ મેટ્રોપૉલિટન વૉટર સપ્લાય એન્ડ સિવરેજ બોર્ડને આ બિલની ચુકવણી કરવાની હતી. નળ કનેક્શન ઘણા સમય અગાઉ લેવાયુ હતું અને દીયા મિર્ઝા આ બાબતથી અજાણ હતાં.
Click it and Unblock the Notifications
Sign in with Google
