એક વિલનના હૃદયસ્પર્શી ગીતો છે સશક્ત પાસું : જાણો ખાસિયતો

Published: Friday, June 20, 2014, 16:18 [IST]

મુંબઈ, 20 જૂન : આગામી 27મી જૂને મોટા પડદે રિલીઝ થઈ રહી છે મોહિત સુરીની ફિલ્મ એક વિલન. ફિલ્મમાં લીડ રોલ પ્લે કર્યો છે સિદ્ધાર્થ મલ્હોત્રા, શ્રદ્ધા કપૂર અને રીતેશ દેશમુખે. ફિલ્મનું પ્રમોશન પુરજોશમાં ચાલી રહ્યું છે. ફિલ્મ એક રોમાંટિક થ્રિલર છે. તેથી ફિલ્મના પ્રમોશનથી રીતેશને દૂર રખાયાં છે કે જેથી ફિલ્મની વાર્તા પ્રત્યે લોકોની જિજ્ઞાસા જળવાઈ રહે, પરંતુ લોકોની ઉત્સુકતા ફિલ્મ પ્રત્યે રીતેશને કારણે નહીં, પણ સંગીતના કારણે વધી ગઈ છે.

એક વિલન ફિલ્મના ગીતોએ લોકોને દિલોમાં હલચલ પેદા કરી દીધી છે. લોકો અંકિત તિવારી તથા શ્રદ્ધા કપૂર દ્વારા ગવાયેલ ગીત ...તેરી ગલિયાં...ના તો દીવાના થઈ ગયાં છે. તેથી જ વારંવાર ફિલ્મના ગીતો અને ટ્રેલરને યૂટ્યુબ ઉપર જોવામાં આવી રહ્યાં છે.

મોહિત સુરીની ફિલ્મોની ખાસિયત હંમેશા તેમનું ગીત-સંગીત જ રહ્યું છે. મોહિત પોતે કહે છે કે તેઓ પોતાની સફળતાનો શ્રેય પોતાની ફિલ્મોના સફળ સંગીતને આપે છે. તેઓ કહે છે કે ફિલ્મ નિર્માતાઓનાદિલમાં પોતાના કામ પ્રત્યે વિશ્વાસ જાળવી રાખવાનો શ્રેય તેમની છેલ્લી ફિલ્મો કલયુગ (2005), વો લમ્બે (2006), મર્ડર 2 (2011) અને આશિકી 2 (2013)ના સંગીતને જાય છે.

મોહિત સુરી કહે છે - હું પોતાના કૅરિયરમાં આ મુકામે ન પહોંચી શક્યો હોત, જો મારા ગીતો સફળ ન થયાહોત. મેં જ્યારે શરુઆત કરી, ત્યારે હું 22 વર્ષનોહતો અને મારી ફિલ્મોમાં માત્ર નવોદિત કલાકારો હતાં. જો મારા ગીતો સફળ ન થયા હોત, તો લોકોએ મને વધુ તક ન આપી હોત. પછી તે વો લમ્હે... કે જિયા ધડક જાયે... ગીત હોય, મારી ફિલ્મોના ગીતો સફળ છે. સારા ગીતોએ દર્શકોને હંમેશા થિયેટરો પ્રત્યે આકર્ષ્યાં છે.

ચાલો સ્લાઇડરમાં જાણીએ એક વિલનના ગીતોની ખાસિયતો :

તેરી ગલિયાં...

એક વિલન ફિલ્મમાં 6 ગીતો છે કે જેમાં તેરી ગલિયાં... ગીતે લોકોને ઘેલુ લગાડ્યું છે. અંકિત તિવારી તથા શ્રદ્ધા કપૂરના અવાજમાં આ ગીતે દરેકનુ દલડુ ચોરી લીધું છે. તેથી જ લોકો ફિલ્મનો આતુરતાપૂર્વક ઇંતેજાર કરી રહ્યાં છે.

બંજારા...

મોહમ્મદ ઇરફાનના સુરોથી સજ્જ બંજારા... ગીત પણ બહુ કમાલનું છે. એક તો આ ગીત બહુ સુંદર રીતે લખાયું છે અને ઉપરાંત ઇરફાનના અવાજે તેને બહુ ટચિંગ બનાવી દીધું છે.