ગોરી તેરે પ્યાર મેં ફિલ્મમાં જોવા મળશે એશાના લટકાં-ઝટકાં

મુંબઈ, 8 એપ્રિલ : ગ્લૅમરસ અભિનેત્રી એશા ગુપ્તા તો યાદ જ હશે આપને... હા જી, તે જ એશા ગુપ્તા કે જેમણે રાઝ 3ડી ફિલ્મમાં ઇમરાન હાશમી સાથે ગરમાગરમ સીન્સ આપી લોકોના દિલોમાં આગ ચાંપી દીધી હતી. તે જ એશા ગુપ્તા ફરી એક વાર લોકોના દિલોના ધબકાર વધારવા તૈયાર છે.

મળતી માહિતી મુજબ એશા ગુપ્તા ટુંકમાં જ આપને કરણ જૌહરની ગોરી તેરે પ્યાર મેં ફિલ્મમાં પોતાના લટકાં-ઝટકાં દાખવતા દેખાશે. કહે છે કે જીટીપીએમમાં એશા ગુપ્તાનું એક તડકતું-ભડકતું ગીત હશે. ફિલ્મમાં ઇમરાન ખાન અને કરીના કપૂર લીડ રોલમાં છે.

એશા ગુપ્તાએ જણાવ્યું - આ ગીત ખૂબ જ હૉટ છે, પરંતુ તેને આયટમ સૉંગ કહી શકાય નહીં. આ એક ઇન્ટ્રો સૉંગ છે કે જે ફિલ્મની ઝડપને આગળ ધપાવે છે.

તેમણે જણાવ્યું - આ ગીતને હું ઇન્ટ્રો સૉંગ કહુ છું, કારણ કે આ ગીત વડે જ ફિલ્મમાં હીરો ઇમરાન ખાનની એન્ટ્રી થાય છે. ફિલ્મમાં શક્તિ કપૂરના પુત્રી શ્રદ્ધા કપૂર પણ લીડ રોલમાં છે. કરીના કપૂર તથા ઇમરાન ખાને બેંગલુરૂ ખાતે જીટીપીએમના શૂટિંગ દરમિયાન ખૂબ મસ્તી પણ કરી. 15મી નવેમ્બરના રોજ રિલીઝ થનાર ફિલ્મ એક રોમાન્ટિક ડ્રામા છે. એશા ગુપ્તાએ દાવો કર્યો કે ગોરી તેરે પ્યાર મેં ફિલ્મ દ્વારા બૉલીવુડમાં તેમની ઓળખ બદલાઈ જશે.

English summary

Esha Gupta and Imran Khan’s club song in ‘Gori Tere Pyaar Mein’.it is not an typical item song said Esha.