શો માં બાળકને બળજબરીથી ગળે લગાવીને ટ્રોલ થયા સલમાન-જેકલીન
સલમાન ખાન અને જેકલીન ફર્નાન્ડીસ હાલમાં પોતાની આવનારી ફિલ્મ રેસ 3 ના પ્રમોશનમાં બિઝી છે. આ શો માં જેકલીને કંઈક એવુ કામ કર્યુ કે સોશિયલ મીડિયા પર લોકો તેને ટ્રોલ કરી રહ્યા છે.
સલમાન ખાન અને જેકલીન ફર્નાન્ડીસ હાલમાં પોતાની આવનારી ફિલ્મ રેસ 3 ના પ્રમોશનમાં બિઝી છે. હાલમાં જ બંને એક ડાંસ રિયાલીટી શો પર પહોંચ્યા જેના જજોમાં માધુરી દિક્ષિત નેને પણ છે. આ શો માં જેકલીને કંઈક એવુ કામ કર્યુ કે સોશિયલ મીડિયા પર લોકો તેને ટ્રોલ કરી રહ્યા છે. જેકલીને એક બાળકને બળજબરીથી ગળે લગાવી દીધો જેના પર લોકોએ તેને ઘણુ ખરુ ખોટુ સંભળાવ્યુ. લોકોએ પૂછ્યુ કે બાળકની મરજી વગર જેકલીને તેને કેમ ગળે લગાવ્યો?
જેકલીને વ્યક્ત કરી બાળકને ગળે મળવાની ઈચ્છા
સલમાન ખાન, જેકલીન ફર્નાન્ડીસ અને અનિલ કપૂર સાથે પોતાની આવનારી ફિલ્મ ‘રેસ 3' ના પ્રમોશન માટે એક ડાંસ રિયાલિટી શો માં પહોંચ્યા. આ શો માં જેકલીને એક બાળકને ગળે મળવાની ઈચ્છા વ્યક્ત કરી. તેણે એમ પણ કહ્યુ કે તેને એમ લાગે છે કે બાળક ના પાડી દેશે. આના પર સલમાને બાળકને પૂછ્યુ કે જેકલીન તેને ગળે મળવા ઈચ્છે છે, શું તે એને ગળે મળવા દેશે? આના પર બાળકે ના પાડી દીધી અને કહ્યુ જેકલીનને ગળે મળવાનું મન નથી.
લોકોએ જેકલીનને ખરુ ખોટુ સંભળાવ્યુ
આના પર સલમાન અને જેકલીન તરત જ સ્ટેજ પર પહોંચી ગયા અને બાળકને પકડીને ગળે મળી લીધુ. જેકલીને આ વીડિયો પોતાના ઈન્સ્ટાગ્રામ પર શેર કર્યો. તેણે લખ્યુ, "બાળકો હંમેશા મને પસંદ કરતા હોય છે, પરંતુ આ બાળક અલગ હતો. છેવટે, મે તેને ગળે મળી જ લીધુ." બાળકને બળજબરીથી ગળે મળવા પર સોશિયલ મીડિયા પર લોકોએ જેકલીનને ખૂબ ખરુ ખોટુ સંભળાવ્યુ છે. લોકોનું કહેવુ છે કે બાળકે ગળે મળવાની ના પાડી હતી તો પછી તેની સાથે જબરદસ્તી કેમ કરવામાં આવી?
જો સલમાન બાળકીને જબરદસ્તી ગળે લગાવતા તો?
જેકલીનના વીડિયો પર એક યુઝરે લખ્યુ, "શું તમારા લોકોમાં દિમાગ નથી? બાળક ના પાડી રહ્યુ છે અને તમે તેને બળજબરીથી ગળે લગાવી રહ્યા છો. આ મોલેસ્ટેશન છે. જો કોઈ બાળકી ના પાડતી અને સલમાન તેને બળજબરીથી ગળે લગાવતો તો?" આ ફેને તો ત્યાં સુધી લખી દીધુ કે જેકલીનની તો પૉક્સો હેઠળ ધરપકડ કરવી જોઈએ. વળી, બીજા એક યુઝરે લખ્યુ કે આ લોકો બાળકે ના પાડવા છતાં આવુ કરી શકે છે? જેકલીન તરફથી હજુ સુધી કોઈ સ્પષ્ટતા આવી નથી.