Gadar 2: હવે OTT પર રિલીઝ થશે 'ગદર 2', જાણો ક્યારે અને ક્યાં જોઈ શકશો ફિલ્મ

Gadar 2 OTT Release: બૉલિવુડ એક્ટર સની દેઓલની ફિલ્મ ગદર 2 એ બૉક્સ ઑફિસ પર રેકોર્ડ બ્રેક કમાણી કરી હતી. આ ફિલ્મને લોકોનો સારો પ્રતિસાદ મળ્યો અને આ સાથે ફિલ્મે એક નવો ઈતિહાસ રચ્યો. 500 કરોડનું કલેક્શન કરનાર ગદર 2 ટૂંક સમયમાં OTT પર રિલીઝ થવા જઈ રહી છે.

સની દેઓલ, અમીષા પટેલ અને ઉત્કર્ષ શર્મા સ્ટારર ફિલ્મ 'ગદર 2' OTTમાં રિલીઝ થવાની લોકો આતુરતાથી રાહ જોઈ રહ્યા છે. 11 ઓગસ્ટના રોજ સિનેમાઘરોમાં રિલીઝ થયેલી આ ફિલ્મમાં સની દેઓલના શાનદાર સંવાદો અને તેના એક્શનને લઈને ચાહકો ક્રેઝી થઈ ગયા હતા.

થિયેટરોમાં રિલીઝ થયા પછી હવે ચાહકો લાંબા સમયથી OTT પર તેની આતુરતાથી રાહ જોઈ રહ્યા હતા. આવી સ્થિતિમાં હવે OTT પર રિલીઝની તારીખ આવી ગઈ છે. આવો જાણીએ આ ફિલ્મ ઘરે બેઠા ક્યારે અને ક્યાં જોઈ શકશો.

સની દેઓલની ગદર 2 છઠ્ઠી ઓક્ટોબરના રોજ ઓટીટીમાં આવશે. તમે OTTમાં Zee 5 પર આ ફિલ્મ જોઈ શકશો. Zee 5 એ પોતે સોશિયલ મીડિયા પર આ માહિતી આપી છે. તેણે પોસ્ટ શેર કરીને લખ્યું, 'કાઉન્ટડાઉન શરૂ! તારા સિંહ તમારું દિલ જીતવા માટે તૈયાર છે! ભારતની સૌથી મોટી બ્લૉકબસ્ટર ZEE5 માત્ર 2 દિવસમાં આવી રહી છે!'

અનિલ શર્મા દ્વારા દિગ્દર્શિત ગદર 2, 2001માં રિલીઝ થયેલી ગદર એક પ્રેમ કથાની સિક્વલ છે. ફિલ્મની સ્ટાર કાસ્ટની વાત કરીએ તો સની દેઓલ, અમીષા પટેલ, ઉત્કર્ષ શર્મા, મનીષ વાધવા, લવ સિંહા જેવા કલાકારો મુખ્ય ભૂમિકામાં જોવા મળ્યા હતા. આ ફિલ્મમાં 22 વર્ષ બાદ સની દેઓલ અને અમીષા પટેલે તારા સિંહ અને સકીનાના રોલમાં જોવા મળ્યા હતા. આ જ કારણ છે કે ચાહકોએ આ જોડીને ભરપૂર પ્રેમ આપ્યો. આ ફિલ્મે 526 કરોડ રૂપિયાના શાનદાર કલેક્શન સાથે બોક્સ ઓફિસ પર ધૂમ મચાવી દીધી છે. ફિલ્મ હજુ પણ કમાણી કરી રહી છે.

The countdown begins! Tara Singh is all set to win your hearts! 🥳

India's Biggest Blockbuster is coming on #ZEE5 in just 2 days! ❤️#Gadar2OnZEE5 pic.twitter.com/LKwP2CXcWF

— ZEE5 (@ZEE5India) October 4, 2023

English summary

Gadar 2 film will release on OTT, zee 5 will steaming on 6 October.