ખૂબ જ ઓછા બજેટમાં બની ફિલ્મ છે ગો ગોવા ગોન
મુંબઈ, 3 મે : ફિલ્મકાર કૃષ્ણ ડી કેનું કહેવું છે કે તેમની આગામી ફિલ્મ ગો ગોવા ગોન સૈફ અલી ખાનની અગાઉની કોઈ પણ ફિલ્મના બજેટ કરતાં ખૂબ જ ઓછા ખર્ચે બનેલી છે. આ ફિલ્મ 10મી મેના રોજ રિલીઝ થવા જઈ રહી છે.
કૃષ્ણે જણાવ્યું - હું કહેવા માંગીશ કે આ ફિલ્મનું બજેટ ખૂબ ઓછું. મને ફિલ્મના બજેટ અંગે ખુલાસો કરવાની છૂટ નથી, પણ હું આપને ખાત્રી આપી શકું છું કે આ ફિલ્મ સૈફ અલી ખાનની કોઈ પણ સામાન્ય ફિલ્મના બજેટ કરતાં ઘણા ઓછા ખર્ચે બની છે.
તેમણે જણાવ્યું - અમે ખૂબ જ ચોક્કસ બજેટમાં કામ કર્યું છે. ઉપરાંત દરેક અભિનેતાએ પોતાના સામાન્ય મહેનતાણા કરતાં ઓછા પૈસા લીધાં છે. અભિનેતા સૈફ અલી ખાન ફિલ્મના સહ-નિર્માતા છે અને તેમણે અભિનય પણ કર્યું છે. રાજા નિદિમોરૂ કૃષ્ણ સાથે સહ-દિગ્દર્શન કરી રહ્યાં છે. ફિલ્મમાં સૈફ ઉપરાંત કુણાલ ખેમૂ, વીર દાસ તથા પૂજા ગુપ્તા પણ મહત્વની ભૂમિકામાં છે.