આર્યન ખાનને મળ્યા જામીન : દેશ છોડવાની મંજૂરી નહીં, દર શુક્રવારે જવુ પડશે NCB ઓફિસ
આર્યન ખાનને ક્રુઝ શિપ ડ્રગ્સ કેસમાં ગુરુવારની સાંજે જ બોમ્બે હાઈકોર્ટમાંથી રાહત મળી હતી, જ્યાં તેના જામીન મંજૂર કરવામાં આવ્યા હતા. હવે હાઈકોર્ટ વિગતવાર જામીનનો હુકમ પણ સામે આવ્યો છે.
Aryan Khan got bail : આર્યન ખાનને ક્રુઝ શિપ ડ્રગ્સ કેસમાં ગુરુવારની સાંજે જ બોમ્બે હાઈકોર્ટમાંથી રાહત મળી હતી, જ્યાં તેના જામીન મંજૂર કરવામાં આવ્યા હતા. હવે હાઈકોર્ટ વિગતવાર જામીનનો હુકમ પણ સામે આવ્યો છે. જેમાં સ્પષ્ટપણે કહેવામાં આવ્યું હતું કે, તેમને અત્યારે દેશની બહાર જવાની મંજૂરી નથી. આવી સ્થિતિમાં તેઓએ તાત્કાલિક વિશેષ અદાલત સમક્ષ તેમનો પાસપોર્ટ જમા કરાવવો પડશે. તેમજ દર શુક્રવારના રોજ સવારે 11 થી 2 કલાકની વચ્ચે મુંબઈમાં NCB ઓફિસમાં હાજર રહેવું પડશે.
કોર્ટની પરવાનગી વગર નહીં છોડી શકે દેશ
ઓર્ડરમાં કહેવામાં આવ્યું છે કે, આર્યનને એક લાખ પીઆર બોન્ડની જામીનગીરી રજૂ કરવી પડશે. આ ઉપરાંત તેઓએ ફરીથી આવી પ્રવૃત્તિમાં શામેલ ન થવું જોઈએ.
કોર્ટે સ્પષ્ટપણે જણાવ્યું હતું કે, આર્યનને જામીન આપવામાં આવ્યા છે, પરંતુ તેમણે તેના સહ આરોપી સાથે સંપર્ક સ્થાપિત કરવાનો પ્રયાસ કરવો જોઈએ નહીં અને તેણે NDPS કોર્ટની પરવાનગી વિના દેશ છોડવો જોઈએ નહીં.
બીજી તરફ, આદેશની નકલ મળતાની સાથે જ વકીલ મુક્તિની ઔપચારિકતા પૂરી કરવા સેશેલ કોર્ટમાં પહોંચ્યા હતા.
બોલિવૂડની હસ્તીઓએ આપ્યા અભિનંદન
બીજી તરફ આર્યનની જામીનની વાત બહાર આવતાની સાથે જ સલમાન ખાન, અક્ષય કુમાર સહિત બોલિવૂડના ઘણા સ્ટાર્સે ફોન કરીને શાહરૂખને અંગત રીતે અભિનંદન પાઠવ્યા હતા. આ સાથે કિંગ ખાનની પત્ની ગૌરીને પણ તેની ફ્રેન્ડ્સ સીમા અને મહિપ ફોન કર્યો હતા. યુકે અને યુએસમાં આર્યનના મિત્રો પણ પરેશાન હતા, જામીન બાદ તેમણે પણ રાહતનો શ્વાસ લીધો હતો.
સુહાનાએ તસવીર શેર કરી છે
આર્યન ખાનની જામીન અરજી પર હાઈકોર્ટનો નિર્ણય આવતાની સાથે જ સુહાના ખાને તેના ઈન્સ્ટાગ્રામ પર બ્લેક એન્ડ વ્હાઇટ તસવીરોનો કોલાજ શેર કર્યો હતો. આ તસવીરોમાં શાહરૂખ તેના બાળકો આર્યન અને સુહાના સાથે રમતા જોવા મળે છે. સુહાના ખાને તસવીરોના આ કોલાજ સાથે કેપ્શનમાં લખ્યું - 'આઇ લવ યુ!'.