Chandu Champion Collection: ચંદુ ચેમ્પિયન એ મચાવી ધૂમ, કાર્તિક આર્યનની ફિલ્મે કરી બમ્પર કમાણી

Chandu Champion Collection: કાર્તિક આર્યનની ફિલ્મ ચંદુ ચેમ્પિયનને દર્શકો અને વિવેચકો તરફથી સકારાત્મક પ્રતિસાદ મળી રહ્યો છે. પેરાલિમ્પિક ગોલ્ડ મેડલ વિજેતા મુરલીકાંત પેટકરની ભૂમિકામાં ચાહકો તેને ખૂબ પસંદ કરી રહ્યા છે. ભલે ફિલ્મે પહેલા દિવસે અપેક્ષા કરતા ઓછી કમાણી કરી હતી.

ફિલ્મે 4 કરોડ 75 લાખની કમાણી કરી હતી. તમને જાણીને નવાઈ લાગશે કે, કોરોના મહામારી બાદ રિલીઝ થયેલી કાર્તિક આર્યનની ફિલ્મોમાં ચંદુ ચેમ્પિયનનું ઓપનિંગ ડે કલેક્શન અત્યાર સુધીનું સૌથી ઓછું છે.

જોકે બીજા અને ત્રીજા દિવસે ફિલ્મની કમાણીમાં જોરદાર ઉછાળો જોવા મળ્યો હતો. આ અહેવાલમાં આપણે જાણીશું કે, કાર્તિક આર્યનની ફિલ્મે અત્યાર સુધી કેટલી કમાણી કરી છે.

ચંદુ ચેમ્પિયને વીકેન્ડ પર આટલી કમાણી કરી - સકનિલ્કના પ્રારંભિક અંદાજ મુજબ, કાર્તિક આર્યનની ચંદુ ચેમ્પિયને ત્રીજા દિવસે 10 કરોડ રૂપિયાની કમાણી કરી લીધી છે. જ્યારે બીજા દિવસે ફિલ્મે 16.75 કરોડની કમાણી કરી હતી.

આ સાથે જ ત્રણ દિવસમાં ફિલ્મની કુલ કમાણી 21.75 કરોડ રૂપિયા પર પહોંચી ગઈ છે. આવનારા સમયમાં આ ફિલ્મ આનાથી વધુ કમાણી કરી શકે તેવી આશા છે.

ચંદુ ચેમ્પિયન વિશે - ઉલ્લેખનીય છે કે, કબીર ખાનની આ ફિલ્મમાં કાર્તિક આર્યન એ ભારતના પ્રથમ પેરાલિમ્પિક ગોલ્ડ મેડલ વિજેતા મુરલીકાંત પેટકરની ભૂમિકા ભજવી છે. કબીર ખાન દ્વારા નિર્દેશિત ફિલ્મ ચંદુ ચેમ્પિયન એક બાયોપિક છે.

કાર્તિક આર્યન ઉપરાંત, ફિલ્મમાં ભુવન અરોરા, યશપાલ શર્મા, રાજપાલ યાદવ, અનિરુદ્ધ દવે, વિજય રાઝ, પલક લાલવાણી અને ભાગ્યશ્રી બોરસે પણ છે.

English summary

Chandu Champion Collection: Chandu Champion created buzz, Karthik Aaryan's film earned bumper money in Box Office