નોઈડામાં રેવ પાર્ટીઓનું આયોજન કરતો હતો એલ્વિશ યાદવ, જાણો ગુનાના કચ્ચાચિઠ્ઠા
Elvish Yadav: નોઈડા પોલીસે પ્રખ્યાત યુટ્યુબર અને બિગ બોસ વિજેતા એલ્વિશ યાદવ વિરુદ્ધ કેસ નોંધ્યો છે. કેસ નોંધાયા બાદથી એલ્વિશ યાદવ ફરાર છે. પોલીસ FIR મુજબ, એલ્વિશ યાદવ નોઈડામાં રેવ પાર્ટીઓનું આયોજન કરતો હતો.
એવું કહેવામાં આવી રહ્યું છે કે, આ પાર્ટીમાં પ્રતિબંધિત સાપ અને વિદેશી છોકરીઓની પણ એન્ટ્રી હતી. આ કેસમાં કાર્યવાહી કરીને પોલીસે એલ્વિશની ગેંગમાં સામેલ 6 લોકોની ધરપકડ કરી છે.
એલ્વિશ ગેંગના સભ્યો પાસેથી 9 ઝેરી સાપ ઝડપાયા - નોઈડા પોલીસની એફઆઈઆર મુજબ એલ્વિશ યાદવની રેવ પાર્ટીમાં વિદેશી યુવતીઓને પણ આમંત્રિત કરવામાં આવી હતી. પોલીસે જણાવ્યું હતું કે, હાલ એલ્વિશ યાદવ આ કેસમાં ફરાર છે.
પોલીસે ધરપકડ કરેલા આરોપીઓના કબ્જામાંથી નવ ઝેરી સાપ મળી આવ્યા છે. આ કેસમાં એલ્વિશ યાદવ અને અન્ય સહિત 6 નામના વ્યક્તિઓ વિરુદ્ધ કેસ નોંધવામાં આવ્યો છે. હવે પોલીસ એલ્વિશ યાદવની ધરપકડ કરવામાં વ્યસ્ત છે. આ મામલો નોઈડાના સેક્ટર 49 પોલીસ સ્ટેશનનો છે.
આ કેસમાં 5 આરોપીઓની ધરપકડ, એલ્વિશ યાદવ ફરાર - નોઇડા પોલીસે જણાવ્યું કે, આ મામલામાં વાદી (PFA-એનિમલ વેલફેર ઓફિસર)ની ફરિયાદના આધારે, પોલીસ સ્ટેશન સેક્ટર-49એ નોઈડા સેક્ટરમાં સ્થિત બેન્ક્વેટ હોલમાં પાર્ટી કરવા બદલ અને 51 અને સાપનું ઝેર પૂરું પાડવા બદલ અલ્વિશ યાદવ સહિત 6 વ્યક્તિઓ વિરુદ્ધ કેસ નોંધ્યો છે.
આ સંદર્ભે એફઆઈઆર નોંધતી વખતે, 5 આરોપીઓ - રાહુલ, તિતુનાથ, જયકરણ, નારાયણ અને રવિનાથની બેન્કવેટ હોલમાંથી ધરપકડ કરવામાં આવી છે. તેમના કબ્જામાંથી 9 સાપ મળી આવ્યા હતા. આ અંગે વધુ તપાસ અને કાર્યવાહી ચાલુ છે. હાલ આ કેસમાં આરોપી એલ્વિશ યાદવ ફરાર છે.
Click it and Unblock the Notifications
Sign in with Google
