આ એક્ટ્રેસ કરશે તારક મહેતા કા ઉલ્ટા ચશ્મા શોમાં એન્ટ્રી, નિભાવશે આ રોલ

Monaz Mewawala: તારક મહેતા કા ઉલ્ટા ચશ્મા, ભારતીય ટેલિવિઝનના સૌથી પ્રિય સિટકોમમાંથી એક છે. જેમાં હવે મોનાઝ મેવાવાલાને મિસિસ રોશનનું પાત્ર ભજવતી જોવા મળશે. TMKOC દરેક ઘરનો મનપસંદ શો રહ્યો છે, જે તેની આકર્ષક સ્ટોરી કહેવાની અને પ્રિય પાત્રો વડે પ્રેક્ષકોના દિલો પર રાઝ કરે છે.

તારક મહેતા કા ઉલ્ટા ચશ્માના નિર્માતા અને પ્રોડ્યુશર આસિત કુમાર મોદીએ મોનાઝનું ઉષ્માભર્યું સ્વાગત કરતાં જણાવ્યું હતું કે, મોનાઝ મેવાવાલાને મળાવતા અમને આનંદ થાય છે.

આસિત કુમાર મોદીએ જણાવ્યું હતું કે, મોનાઝ મેવાવાલાની પ્રતિભા અને અભિનય પ્રત્યેનો જુસ્સો નિઃશંકપણે પાત્ર અને શોમાં એક નવી ઉર્જા ઉમેરશે. અમે TMKOC પરિવારમાં તેમનું હૃદયપૂર્વક સ્વાગત કરીએ છીએ. તેણીનું ચિત્રણ પહેલાથી જ પ્રિય સિરિઝમાં એક નવી ઉર્જા લાવવાની ધારણા છે, તેના અભિનયથી પ્રેક્ષકોને મોહિત કરશે.

મોનાઝ મેવાવાલાએ શેર કર્યું હતું કે, હું TMKOC પરિવારનો ભાગ બનવા માટે રોમાંચિત અને ગર્વ અનુભવું છું. મને આ ભૂમિકા ગમે છે અને આ તક માટે આસિત મોદીનો આભારી છું. હું મારી બધી શક્તિ અને હૃદય આ પાત્રમાં લગાવીશ. અગાઉ અસિત મોદી સાથે કામ કર્યા પછી, મને છેલ્લા 15 વર્ષથી દરેક TMKOC સભ્ય માટે તેમનો જુસ્સો અને સમર્પણ ગમે છે. મને ખાતરી છે કે, બધા TMKOC ચાહકો મને તેમનો પ્રેમ અને સમર્થન આપશે.

મોનાઝ મિસિસ રોશનના પાત્રમાં તેની અનોખી ફ્લેર અને એનર્જી લાવશે, અને સમગ્ર દેશના ચાહકો માટે જોવાના અનુભવને વધુ સમૃદ્ધ બનાવશે.

મોનાઝે જેનિફર મિસ્ત્રી બંસીવાલનું સ્થાન લીધું છે, જેમણે 13 વર્ષ સુધી મિસિસ રોશનની ભૂમિકા ભજવી હતી. મેકર્સ સાથેના વિવાદ બાદ તેણે આ વર્ષે એપ્રિલમાં શો છોડી દીધો હતો.

તારક મહેતા કા ઉલ્ટા ચશ્મા એ સૌથી લાંબા સમય સુધી ચાલતા સિટકોમમાંનું એક છે, જે 2008માં પ્રથમ પ્રસારિત થયું હતું, અને હવે 3900 થી વધુ એપિસોડ સાથે તેના 15મા વર્ષમાં છે.

English summary

Monaz Mewawala to play the role of Roshan Sodhi in Tarak Mehta Ka Oolta Chashma Show