Sherlyn Chopra Molestation Case : શર્લિન ચોપડાની છેડતી કરી આપી જાનથી મારી નાંખવાની ધમકી, ફરિયાદ દાખલ

Sherlyn Chopra Molestation Case : બોલીવુડ એક્ટ્રેસ શર્લિન ચોપડા સાથે છેડછાડ અને જાનથી મારી નાંખવાની ધમકી આપવાના કેસમાં એફઆઇઆર દાખલ કરવામાં આવી છે. ]

મળતી માહિતી મુજબ, તેમણે એક ફાઇનાન્સર સામે મુંબઇના જુહુ પોલીસ સ્ટેશનમાં કેસ દાખલ કરાવવામાં આવ્યો છે.

શું છે સમગ્ર ઘટના?

અભિનેત્રી શર્લિન ચોપરાએ મુંબઈના જુહુ પોલીસ સ્ટેશનમાં કેસ નોંધાવ્યો છે. શર્લિને તેની ફરિયાદમાં પોલીસને જણાવ્યું હતું કે, આરોપી ફાઇનાન્સરે તેને વીડિયો માટે પૈસા આપવાના બહાને તેની છેડતી કરી અને જ્યારે તેણે તેના કૃત્ય સામે વાંધો ઉઠાવ્યો તો તેણે તેની સાથે દુર્વ્યવહાર કરવાનું શરૂ કર્યું હતું.

પોલીસ સ્ટેશનમાં નોંધાયેલી એફઆઈઆરમાં શર્લિને આરોપીઓ પર જાનથી મારી નાખવાની ધમકી આપવાનો આરોપ પણ લગાવ્યો છે.

મુંબઈ પોલીસે આરોપી ફાઈનાન્સર વિરુદ્ધ કલમ 354, 506, 509 હેઠળ કેસ નોંધ્યો છે. પોલીસે પણ આ મામલે તપાસ શરૂ કરી છે.

અતીકના પુત્રના એન્કાઉન્ટર પર કર્યું હતું ટ્વીટ

અભિનેત્રી શર્લિનનું એક ટ્વિટ પણ ખૂબ ચર્ચામાં છે. 13 એપ્રિલની રાત્રે તેણે પોતાના ટ્વિટર પેજ પર લખ્યું હતું કે, ખરાબને ખરાબ અને સારાને સારું કહેવું જોઈએ. શું તમને નથી લાગતું કે, માફિયાનું એન્કાઉન્ટર કરવું એ વાજબી છે..

માફિયા અતીક અહેમદના પુત્રના એન્કાઉન્ટરમાં મોત બાદ શર્લિન ચોપડાનું આ ટ્વિટ આવ્યું છે. તેમના આ ટ્વિટ પર લોકોએ ઉગ્ર પ્રતિક્રિયા આપી હતી. કેટલાક લોકોએ ઉત્તર પ્રદેશ સરકારના કામના વખાણ કર્યા, તો કેટલાક યુઝર્સે તેની ટીકા પણ કરી હતી.

English summary

Sherlyn Chopra molested and threatened to kill, complaint filed