ગાયક દિલેર મેંહદીનું દમદમા તળાવના કિનારા પર આવેલું ફાર્મહાઉસ સીલ કરાયું

ગાયક દિલેર મેંહદી સામે મોટી કાર્યવાહી કરવામાં આવી રહી છે. ગેરકાયદેસર બનાવવામાં આવેલા દિલેર મેંહદીના ફાર્મહાઉસને સીલ કરી દેવામાં આવ્યું છે. ગુરૂગ્રામના દમદમા તળાવની નજીક બનાવવામાં આવેલા દિલેર મેંહદીના ફાર્મહાઉસને ડિપાર્ટમેન્ટ ઓફ ટાઉન એન્ડ કન્ટ્રી પ્લાનિંગને સીલ કરી દીધું છે.

ડિસ્ટ્રિક્ટ ટાઉન પ્લાનર અમિત મધોલિયાના જણાવ્યા અનુસાર ત્રણ ફાર્મહાઉસ જે ગેરકાયદેસર રીતે બનાવવામાં આવેલા છે, તેને સીલ કરી દેવામાં આવ્યા છે. આ ફાર્મહાઉસ અરવલ્લી રેન્જમાં પરવાનગી લીધા વગર બનાવવામાં આવ્યા છે. આ ત્રણ ફાર્મહાઉસમાંથી એક ફાર્મહાઉસ પંજાબી અને બોલીવુડ સિંગર દિલેર મેંહદીનું છે.

અત્રે નોંધનીય છે કે, ફાર્મહાઉસને સીલ કરવાની અને તોડી પાડવાની કાર્યવાહી પોલીસની મદદથી કરવામાં આવી હતી. એનજીટીના આદેશ પર આ ત્રણેય ફાર્મહાઉસ સામે કાર્યવાહી કરવામાં આવી છે. આ કાર્યવાહીનો આદેશ NGT દ્વારા સોનાયા ઘોષ વિરુદ્ધ હરિયાણા રાજ્ય વચ્ચેના કેસમાં આપવામાં આવ્યો હતો.

ATP સુમીત મલિક, દિનેશ સિંહ, રોહન અને શુભમન સહિત અમિત માધોલિયાની આગેવાની હેઠળની ટીમ દ્વારા આ અભિયાન હાથ ધરવામાં આવ્યું હતું. સોહના નાયબ તહસીલદાર સોહના લચ્છીરામ ડ્યુટી મેજિસ્ટ્રેટ તરીકે હાજર રહ્યા હતા. તેમની હાજરીમાં આ અભિયાન હાથ ધરવામાં આવ્યું હતું.

સદર સોહના સ્ટેશન હાઉસ ઓફિસરના નેતૃત્વમાં પોલીસ ટીમ પણ તૈનાત કરવામાં આવી હતી. આ અંગે એક વરિષ્ઠ અધિકારીએ જણાવ્યું કે, જે ત્રણ ફાર્મહાઉસ જપ્ત કરવામાં આવ્યા છે તેમાંથી એક ગાયક દલેર મહેંદીનું છે. તેમનું ફાર્મહાઉસ 1.5 એકર જમીન પર બનાવવામાં આવ્યું હતું, જેને વહીવટી તંત્રે જપ્ત કરી લીધું છે.

જે ત્રણ ફાર્મહાઉસો જપ્ત કરવામાં આવ્યા છે, તે તળાવના જળાશય વિસ્તારમાં ગેરકાયદેસર રીતે બાંધવામાં આવ્યા હતા. તેઓ પરવાનગી વગર અરવલ્લી રેન્જમાં વિકસાવવામાં આવ્યા હતા. ફાર્મહાઉસ સીલ કર્યા બાદ, તેને તોડી પાડવામાં આવશે અથવા દંડ વસૂલવામાં આવશે.

English summary

Singer Diler Mehdi's farmhouse on the shores of Damdama Lake was sealed