જયા બચ્ચને કેમ કહ્યું?, હું એટલી રડી છું કે, હવે મારી પાસે આંસુ પણ નથી
Jaya Bachchan: બોલીવુડના મેગાસ્ટાર અમિતાભ બચ્ચને ભલે જયા બચ્ચન સાથે લવ મેરેજ કર્યા હોય, પરંતુ તેમના અને રેખાના અફેરની ઘણી ચર્ચાઓ થઈ હતી.
એવું કહેવાય છે કે, અમિતાભ બચ્ચન પણ રેખાને પ્રેમ કરતા હતા, પરંતુ કેટલાક અંગત કારણોસર બંને લગ્ન કરી શક્યા ન હતા.
ફિલ્મ સિલસિલાએ મચાવી ધૂમ - ઉલ્લેખનીય છે કે, અમિતાભ બચ્ચને રેખા સાથે ઘણી સુપરહિટ ફિલ્મોમાં કામ કર્યું છે. લોકોએ પણ આ બંનેની જોડીને ખૂબ પસંદ કરી હતી.
સ્ક્રીન પર બંનેની કેમેસ્ટ્રી જોવા જેવી હતી. અમિતાભ બચ્ચન, રેખા અને જયા બચ્ચનની ફિલ્મ સિલસિલાએ દર્શકોના દિલમાં ખાસ જગ્યા બનાવી હતી.
અમિતાભ બચ્ચન અને જયા બચ્ચનનું લગ્ન જીવન - તે દિવસોમાં અમિતાભ બચ્ચન અને જયા બચ્ચનના લગ્ન જીવનમાં રેખાની એન્ટ્રીના સમાચારે હલચલ મચાવી દીધી હતી. લોકો કહેતા હતા કે, અમિતાભ બચ્ચન અને રેખા વચ્ચે અફેર ચાલી રહ્યું હતું.
મીડિયા રિપોર્ટ્સ અનુસાર, અમિતાભ બચ્ચન પોતે આ ફિલ્મમાં રેખા અને જયા બચ્ચનને એકસાથે કાસ્ટ કરવા માંગતા હતા, અને તેમણે મેકર્સને આવું કરવા કહ્યું હતું.
જયા બચ્ચન અને રેખાની ટક્કર - આ ફિલ્મનું મોટાભાગનું શૂટિંગ કાશ્મીરમાં થયું છે, જેથી મીડિયાને તેનાથી દૂર રાખી શકાય. ફિલ્મના દિગ્દર્શક યશ ચોપરાએ એ વાતનું પણ ધ્યાન રાખ્યું હતું કે, સેટ પર જયા બચ્ચન અને રેખા વચ્ચે કોઈ ઝઘડો ન થાય. બંને સીનનું શૂટિંગ અલગ-અલગ દિવસે કરવામાં આવ્યું હતું.
ફિલ્મના એક સીનમાં જયા બચ્ચનને રડવું પડ્યું - એવું કહેવાય છે કે, મીડિયાને આ ફિલ્મના શૂટિંગથી દૂર રાખવામાં આવ્યું હતું, પરંતુ સિને બ્લિટ્ઝે તેના સંબંધમાં એક સમાચાર પ્રકાશિત કર્યા હતા.
કહેવાય છે કે, ફિલ્મના એક સીનમાં જયા બચ્ચનને રડવું પડ્યું હતું. જયા બચ્ચને આ દ્રશ્યમાં આંસુ વહાવવા માટે ક્રૂ મેમ્બરો પાસેથી ગ્લિસરીન માંગી હતી.
હું એટલી રડી છું કે હવે મારી પાસે આંસુ બચ્યા નથી - આના પર ફિલ્મના યુનિટના એક સભ્યએ જયા બચ્ચનને પૂછ્યું કે, તે આટલી સારી અભિનેત્રી છે. તેમને રડવા માટે ગ્લિસરીનની જરૂર કેમ છે?
આ અંગે જયા બચ્ચન દ્વારા આપવામાં આવેલા જવાબ સાંભળીને ઘણા સવાલો ઉભા થયા હતા. જયા બચ્ચને તે સભ્યને જણાવ્યું હતું કે, હું એટલી રડી છું કે હવે મારી પાસે આંસુ બચ્યા નથી.
આ સાંભળીને, યુનિટના તે સભ્ય તેમજ અન્ય ઘણા લોકો આશ્ચર્યચકિત થઈ ગયા. લોકો સમજી શક્યા ન હતા કે, અમિતાભ બચ્ચન સાથે લગ્ન કર્યા પછી પણ જયા બચ્ચનને શું તકલીફ છે કે, તેને રડવું પડે છે.
Click it and Unblock the Notifications
Sign in with Google
