ઓમ શાંતિ ઓમનો ઇતિહાસ દોહરાવશે હૅપ્પી ન્યુ ઈયર : જુઓ સેટની તસવીરો

Updated: Friday, November 8, 2013, 12:28 [IST]

મુંબઈ, 8 નવેમ્બર : અભિનેત્રી દીપિકા પાદુકોણે આવનાર ફિલ્મ હૅપ્પી ન્યુ ફિલ્મ અંગે ચર્ચામાં છે. ફિલ્મ અંગે વાત કરતાં દીપિકાએ ફરાહ ખાન અને શાહરુખ ખાનના ખૂબ વખાણ કર્યાં અને જણાવ્યું કે બંનેએ દુબઈમાં શૂટિંગ દરમિયાન તેમની ખૂબ કૅર લીધી.

દીપિકાએ જણાવ્યું - બંને બહુ કૅરિંગ છે. મને ખુશી છે કે મને બીજી બંને સાથે કામ કરવાની તક મળી છે. નોંધનીય છે કે ઓમ શાંતિ ઓમ બાદ દીપિકા પાદુકોણે બીજી વાર ફરાહ ખાન સાથે હૅપ્પી ન્યુ ઈયર માટે કામ કરી રહ્યાં છે. ફિલ્મમાં દીપિકા પાદુકોણે અને શાહરુખ ખાન ઉપરાંત બોમન ઈરાની, જૅકી શ્રૉફ, વિવાન શાહ, સોનૂ સૂદ તથા અભિષેક બચ્ચન પણ છે.

શાહરુખે જણાવ્યું - ફિલ્મ બિલ્કુલ નવી છે. આ મલ્ટી-સ્ટારર ફિલ્મ છે. હૅપ્પી ન્યુ ઈયર માત્ર શાહરુખની ફિલ્મ નથી. તેમાં દીપિકા, અભિષેક, બોમન, જૅકી, વિવાન અને સોનૂ પણ છે. મને લાગે છે કે હું પહેલી વાર કોઈ મલ્ટી-સ્ટારર ફિલ્મમાં કામ કરુ છું. હૅપ્પી ન્યુ ઈયરમાં નવાપણુ એ છે કે આ એક નાયક કે નાયિકાની આસપાસ નથી ફરતી.

જોકે દીપિકા-શાહરુખની જોડી બૉક્સ ઑફિસ પર હિટ રહી છે. ઓમ શાંતિ ઓમ બાદ ચેન્નઈ એક્સપ્રેસ પણ સુપર હિટ રહી છે. દીપિકા-શાહરુખની આ ત્રીજી અને દીપિકાની ફરાહ સાથે આ બીજી ફિલ્મ છે. બીજી બાજુ ફરાહની ગત ફિલ્મ તીસ માર ખાં ફ્લૉપ રહી હતી. તેથી તેમણે ફરી એક વાર શાહરુખનો હાથ પકડ્યો છે, કારણ કે શાહરુખે ફરાહ સાથે મૈં હૂં ના અને ઓમ શાંતિ ઓમ જેવી હિટ ફિલ્મો આપી છે.

ચાલો જોઇએ હૅપ્પી ન્યુ ઈયરના દુબઈ શૂટિંગની તસવીરો :