Must Watch : બૉલીવુડનો પર્યાય, અવતાર અને સ્ટાર...

Updated: Wednesday, February 4, 2015, 13:07 [IST]

મુંબઈ, 5 નવેમ્બર : એક બાજુ બૉક્સ ઑફિસે શાહરુખની લવ સ્ટોરી જબ તક હૈ જન હિટ થઈ છે, તો બીજી બાજુ સફળતા અને પ્રસિદ્ધિ કિંગ ખાનના કદમ ચૂમી રહી છે. મોરક્કો ખાતે ભારતીય સિનેમાની શતાબ્દી પ્રસંગે યોજાયેલ ભવ્ય સમારંભમાં વિશ્વ ભરના લોકો વચ્ચે શાહરુખને મોરક્કો સન્માન આપી સન્માનિત કરવામાં આવ્યાં. આવું સન્માન પામી હર્ષિત થયેલ કિંગ ખાન ખુશીથી ઝૂમી ઉઠ્યાં અને એવા ઝૂમ્યાં કે લોકો પણ તેમની સાથે નાચવા લાગ્યાં.

કાર્યક્રમના હોસ્ટે કિંગ ખાનને બૉલીવુડનો પર્યાય, અવતાર તથા સ્ટાર નામે સંબોધી સ્ટેજ ઉપર બોલાવ્યાં અને તેમનું સન્માન કર્યું. શાહરુખે પણ સન્માન પામ્યા બાદ મોરક્કોના લોકોનો હૃદયપૂર્વક આભાર વ્યક્ત કર્યો તથા ભારતને નમન કર્યું. પછી તો કિંગ ખાને અડધા કલાક સુધી સ્ટેજ પર એવી ધમાલ મચાવી કે જે જોઈ દરેકે દરેક આશ્ચર્યચકિત રહી ગયું.

શાહરુખે પોતાની જ ફિલ્મોના ગીતો પર ડાંસ કર્યો. પોતાની ફિલ્મોના ડાયલૉગ બોલ્યાં જેની પર તાળીઓનો અવાજ શમવાનું નામ નહોતી લેતી. મોરક્કો ખાતે આવેલ જમા અલ ફના ચોક હૉલમાં શાહરુખ ખાનની જબ તક હૈ જાન ફિલ્મ પણ દર્શાવાઈ. ફિલ્મ દીવાના સાથે ફિલ્મી પડદે પ્રવેશ કરનાર શાહરુખ ખાને અત્યાર સુધી લગભગ 80 ફિલ્મોમાં કામ કર્યું છે.

આવો આપને બતાવીએ શાહરુખની કેટલીક ચુનંદા તસવીરો.