ઇમરાન સાથે ઇંટીમેટ થવાનું કહેતાં ભડકી ઉઠ્યાં હુમા કુરૈશી
મુંબઈ, 2 એપ્રિલ : ગૅંગ્સ ઑફ વાસેપુર ફિલ્મ દ્વારા જાણીતાં થયેલાં હુમા કુરૈશીએ તાજેતરમાં ઇમરાન હાશમી સાથે ઇંટીમેટ થવાનો ઇનકાર કરી દીધો. થયું એમ કે એક થી ડાયન ફિલ્મના ક્લાઈમેક્સ માટે વિશાલ ભારદ્વાજે હુમા કુરૈશીને ઇમરાન હાશમી સાથે ઇંટીમેટ સીન કરવા જણાવ્યું અને આ વાતથી હુમા ભડકી ઉઠ્યાં અને નારાજ થઈ ગયાં.
જોકે એક થી ડાયન ફિલ્મમાં કેટલાંક કિસિંગ સીન્સ હુમાએ આપ્યાં છે, પરંતુ આમ છતાં તેઓ ઇંટીમેટ થવામાં ખચકાટ અનુભવે છે. હકીકતમાં ફિલ્મમાં ઇમરાન-હુમા વચ્ચે કોઈ ઇંટીમેટ સીન્સ નહોતું, પરંતુ પછીથી વિશાલ ભારદ્વાજે ક્લાઈમેક્સમાં ઇંટીમેટ સીન ઉમેરતાં હુમા નારાજ થઈ ગયાં. તેમણે આવો કોઈ સીન કરવાનો ઇનકાર કરી દીધો. જોકે પછીથી વિશાલે સમજાવતાં હુમાનો ગુસ્સો શાંત થયો અને તેમણે સીન કરવાની રજા આપી દીધી.
હવે કહેવાય છે કે હુમા કુરૈશી તેમજ ઇમરાન હાશમી વચ્ચે શૂટ કરાયેલું આ ઇંટીમેટ સીન ફિલ્મના સૌથી સુંદર અને બહેતરીન સીન્સમાંનું એક છે.
એકતા કપૂર, વિશાલ ભારદ્વાજ, શોભા કપૂર અને રેખા ભારદ્વાજ નિર્મિત તથા કન્નન ઐયર દિગ્દર્શિત એક થા ડાયન ફિલ્મમાં હુમા કુરૈશી, ઇમરાન હાશમી, કોંકણા સેન શર્મા તથા કલ્કી કોચલીન મુખ્ય ભૂમિકામાં છે. ફિલ્મ આગામી 18મી એપ્રિલના રોજ રિલીઝ થનાર છે.