પપ્પાનો સહારો નથી લેવા માંગતી આલિયા
અમદાવાદ, 1 ઑક્ટોબર : બૉલીવુડમાં નવા ચહેરાને તક આપતાં મહેશ ભટ્ટ સાથે પોતે તેમની પુત્રી કામ નથી કરવા માંગતી. હા જી, આ ચોંકાવનારો ખુલાસો કર્યો છે મહેશ ભટ્ટના ચોથા લગ્નની નિશાની આલિયા ભટ્ટે કે જે કરણ જૌહરની ફિલ્મ સ્ટુડન્ટ ઑફ ધ ઈયર દ્વારા ફિલ્મી પડદે પગલું મુકવા જઈ રહી છે.
બેહદ બોલ્ડ અને ચંચળ આલિયાએ જણાવ્યું કે તે પોતાના પપ્પાની ફિલ્મ દ્વારા બૉલીવુડમાં એન્ટ્રી કરવા નહોતી માંગતી. તેની પાછળનું કારણ એ હતું કે જો તેની ફિલ્મ હિટ થઈ જાત, તો બધા એમ જ કહેત કે પપ્પાને સહારે સફળતા મેળવી. હું એવું નહોતી ઇચ્છતી.
આલિયાએ આ બિન્દાસ્ત વાતો કલર્સના જાણીતા શો ઝલક દિખલા જાના મંચે જણાવી કે જ્યાં તે પોતાની આવનાર ફિલ્મ સ્ટુડન્ટ ઑફ ધ ઈયરનું પ્રમોશન કરવા આવી હતી. પોતાના કો-સ્ટાર સિદ્ધાર્થ તેમજ વરુણ સાથે પહોંચેલી આલિયાએ ઝલકના મંચે જોરદાર ઠુમકા લગાવ્યાં. એટલું જ નહિં તેણે જજ અને પોતાની ફિલ્મના નિર્માતા-દિગ્દર્શક કરણ જૌહરને પણ નચાવ્યા, જેમના ઠુમકા જોઈ તમામ આશ્ચર્યચકિત થઈ ગયાં.
સ્ટુડન્ટ ઑફ ધ ઈયર આગામી 19મી ઑક્ટોબરે રિલીઝ થશે. કરણે જણાવ્યું કે આલિયા એક બહુ સારી અભિનેત્રી છે. તેણે પોતાની પ્રથમ જ ફિલ્મમાં સારું કામ કર્યું છે. આશા છે કે તેનું કામ લોકોને ગમશે.