પ્રિયા પ્રકાશ વૉરિયરે ફરીથી શેર કર્યો આંખ મારતો વીડિયો, ફેન્સ થયા ક્રેઝી

ઈન્ટરનેટ સેન્સેશન બનેલી પ્રિયા પ્રકાશે ફરીથી એક વાર પોતાનો એ જ કાતિલ અંદાજ પુનરાવર્તિત કર્યો છે.

Published: Wednesday, January 1, 2020, 14:42 [IST]

પ્રિયા પ્રકાશ વૉરિયરનુ નામ લેતા જ આંખોની સામે એ છોકરીનો ચહેરો આવી જાય છે જેણે આંખ મારવાના અંદાજથી ખબર નહિ કેટલા લોકોને ઘાયલ કરી દીધા હતા. ઈન્ટરનેટ સેન્સેશન બનેલી પ્રિયા પ્રકાશે ફરીથી એક વાર પોતાનો એ જ કાતિલ અંદાજ પુનરાવર્તિત કર્યો છે. તેણે વર્ષ 2019ના છેલ્લા દિવસે પોતાના ચાહકો માટે ફરીથી આંખ મારતો વીડિયો શેર કર્યો જે જોતજોતામાં વાયરલ થઈ ગયો છે. પ્રિયાના આ વીડિયોને ઘણા લોકો શેર કરી રહ્યા છે.

pic.twitter.com/7opDPXcDMT
— Renu chouhan (@Renu7chouhan) 31 December 2019

પ્રિયા પ્રકાશ વૉરિયરે ફરીથી મારી આંખ

તમને જણાવી દઈએ કે બોલિવુડ અભિનેત્રી દીપિકા પાદુકોણે પણ પોતાના ઈન્સ્ટાગ્રામ અકાઉન્ટ પર પ્રિયા પ્રકાશને એક ચેલેન્જ કરીને આંખ મારતો વીડિયો શેર કર્યો હતો. દીપિકા પાદુકોણે પોતાની આવનારી ફિલ્મ ‘છપાક'ના શૂટ દરમિયાન પ્રિયા પ્રકાશ વૉરિયરના અંદાજમાં આંખ મારતી દેખાઈ રહી હતી.

પ્રિયા પ્રકાશે જીત્યા હતા લાખો લોકોના દિલ

ઉલ્લેખનીય છે કે વર્ષ 2018માં વેલેન્ટાઈન વીક પર વાયરલ થયેલા એક વીડિયોએ રેકોર્ડ તોડી દીધો હતો, મલયાલી ફિલ્મથી પોતાના કરિયરની શરૂઆત કરનાર પ્રિયા હવે એક ફેમસ સ્ટાર બની ચૂકી છે. પ્રિયા પ્રકાશે પોતાના ઈન્સ્ટાગ્રામ પર મલયાલમ ફિલ્મ ‘ઓરુ અદાર લવ'ના ગીત ‘Manikya Malaraya Poovi'નો એક નાનો વીડિયો શેર કર્યો હતો, આ ફિલ્મ કોલેજ લાઈફ પર આધારિત હતી.

નેશનલ ક્રશ બની હતી પ્રિયા પ્રકાશ

વીડિયોમાં પ્રિયા પ્રકાશ અને તેના સાથી રોશનને બતાવવામાં આવ્યા હતા. પ્રિયાનો આ વીડિયો આવતા જ તેણે બધા રેકોર્ડ તોડી દીધા હતા. રાતોરાત વાયરલ થયેલા આ વીડિયોમાં પ્રિયાને સોશિયલ મીડિયાની સૌથી મોટી સ્ટાર બનાવી દીધી હતી. યુવાઓએ તેને નેશનલ ક્રશ જાહેર કરી દીધી હતી. દરેક જણ બસ પ્રિયા વિશે જાણવા ઈચ્છતા હતા.

Published On January 1, 2020