કૅન્સમાં તનિષ્ઠાને બમણો ફાયદો, જલનું ટ્રેલર પણ રજૂ થશે

Updated: Monday, May 20, 2013, 17:22 [IST]

મુંબઈ, 20 મે : બૉલીવુડ અભિનેત્રી તનિષ્ઠા ચૅટર્જી માટે 66મું કૅન્સ આંતરરાષ્ટ્રીય ફિલ્મ મહોત્સવ બમણો ફાયદો લઈને આવ્યું છે. અહીં તેમની બીજી ફિલ્મ જલનું ટ્રેલર પણ રિલીઝ થશે.

કૅન્સ ફિલ્મ ફેસ્ટિવલ ભારત માટે ખાસ છે, કારણ કે તે સિનેમાના 100 વરસ થવા પ્રસંગે અતિથિ દેશ તરીકે હાજરી નોંધાવે છે. તનિષ્ઠાની જલ ફિલ્મ ઇન્ડિયન પેવેલિયનમાં રિલીઝ કરાશે. તનિષ્ઠા ચૅટર્જી એમ તો અહીં મૉનસૂન શૂટઆઉટ ફિલ્મના પ્રદર્શન માટે ગયા હતાં, પરંતુ તેઓ જલ ફિલ્મના પ્રચાર કાર્યક્રમમાં પણ ભાગ લેશે.

જલ ફિલ્મ ગુજરાતના કચ્છના રણમાં પાણીની તંગી ઉપર આધારિત છે. ગિરીશ મલિક દિગ્દર્શિત ફિલ્મનું નિર્માણ વનવર્લ્ડ ફિલ્મ્સ પ્રાઇવેટ લિમિટેડે કર્યું છે. મલિકે એક નિવેદનમાં જણાવ્યું - ભારતીય સિનેમાના સો વરસ પૂર્ણ થવા પ્રસંગે આટલા પ્રતિષ્ઠિત મંચ ઉપરથી પોતાની ફિલ્મ રિલીઝ થવાથી વન વર્લ્ડ ફિલ્મ્સ તથા અમારા આંતરરાષ્ટ્રીય વેચાણ ભાગીદારી ઇનસોમાનિયા વર્લ્ડ સેલ્સ ધન્યતા અનુવે છે. જલ ફિલ્મમાં તનિષ્ઠા ચૅટર્જી ઉપરાંત પૂરબ કોહલી તથા કીર્તિ કુલહરી પણ છે.