જ્હાનવી કપૂરે મુંબઈ સ્થિત જૂહુમાં ખરીદ્યુ પોતાનુ આટલુ મોંઘુ ઘર, જાણો વિગત
હાલમાં જ્હાનવી માટે જે રીતે સમાચાર સામે આવી રહ્યા છે તે ઘણા ચોંકાવનારા છે.
મુંબઈઃ ઈન્ડસ્ટ્રીના ઘણા એવા સ્ટાર્સ છે કે જે પોતાના ડેબ્યુના થોડા સમયમાં જ એટલા સફળ થઈ જાય છે કે વિશ્વાસ કરવો મુશ્કેલ થઈ જાય. તેમાંથી એક છે બૉલિવુડ અભિનેત્રી જ્હાનવી કપૂર. હાલમાં જ્હાનવી માટે જે રીતે સમાચાર સામે આવી રહ્યા છે તે ઘણા ચોંકાવનારા છે. જાણવા મળ્યુ છે કે અભિનેત્રીએ મુંબઈના જૂહુમાં ખુદનુ ઘર ખરીદ્યુ છે. આ જ કારણ છે કે આજે જ્હાનવી ચર્ચામાં છે.
ઉલ્લેખનીય છે કે જ્હાનવી કપૂરે પોતાની કરિયરમાં માત્ર બે ફિલ્મોમાં કામ કર્યુ છે જેમાં ધડક અને ગુંજન સક્સેના ધ કારગિલ ગર્લ શામેલ છે. સમાચાર મુજબ તેણે આ ઘર લગભગ 39 કરોડ રૂપિયામાં ખરીદ્યુ છે. થોડા સમય પહેલા સમાચાર આવ્યા હતા કે આ સંપૂર્ણપણે ફાઈનલ થઈ ચૂક્યુ છે. આ ઘર લગભગ 3456 સ્કવેર ફુટનુ છે અને જ્હાનવી કપૂરે તેના માટે 78 લાખ સ્ટેમ્પ ડ્યુટી ચૂકવી છે.
અત્યારે જ્હાનવી કપૂરના ફેન્સ તેને ઘર માટે અભિનંદન આપી રહ્યા છે અને તેમનુ કહેવુ છે કે તે ખૂબ સફળ થવાની છે. જ્હાનવી કપૂરે પોતાના કરિયરની શરૂઆત ફિલ્મ ધડકથી કરી હતી જેમાં તેની સાથે અભિનેતા ઈશાન ખટ્ટર જોવા મળ્યો હતો. આ ફિલ્મની રિલીઝ સાથે જ્હાનવી કપૂરના અભિનયનો દમ લોકોને જાણવા મળ્યો.
Happy Birthday Deepika: દીપિકાએ લવ લાઈફ પર ખુલીને કરી વાત