પ્રિયા રુંચાલને પરણશે જ્હૉન, પણ બે વરસ પછી
મુંબઈ, 18 ફેબ્રુઆરી : સિને જગતના હૅન્ડસમ અને ડૅશિંગ હીરોમાંના એક જ્હૉન અબ્રાહમના લગ્નનો ઇંતેજાર તેમના ફૅન્સને આતુરતાપૂર્વક છે. આ મુદ્દે હંમેશા શાંત રહેતાં જ્હૉને હવે મૌન તોડતાં જણાવ્યું કે તેઓ અને તેમના પ્રેમિકા પ્રિયા રુંચાલ એક-બીજાને બેહદ પ્રેમ કરીએ છીએ. જ્હૉને જણાવ્યું કે તેઓ પ્રિયા સાથે જ લગ્ન કરશે, પરંતુ બે વરસ પછી, કારણ કે પ્રિયા હજી અભ્યાસ કરે છે અને તેનો અભ્યાસ પૂર્ણ થવામાં બે વરસ બાકી છે. તેથી જ્હૉને બે વરસ રાહ જોવી પડશે.
પોતાના આ ખૂબસૂરત ઇંતેજાર અંગે જ્હૉન અબ્રાહમે જણાવ્યું કે પ્રિયા ખૂબ જ સ્નેહાળ તથા નિખાલસ છોકરી છે. તેનો સાથ પામી હું પોતાની જાતને ભાગ્યશાળી સમજુ છું. તેથી મને આ ઇંતેજાર પણ ગમી રહ્યો છે. લગ્ન તો પ્રિયા સાથે જ કરવાનાં છે. તેથી બે વરસ બાદ સહી.
નોંધનીય છે કે જ્હૉન તથા બિપાશા બાસુ ક્યારેક બે જિસ્મ અને એક જાન હતાં, પરંતુ નવ વરસ બાદ આ પ્રેમ સંબંધ તુટી ગયો કે જેનું કારણ કોઈ આજ સુધી જાણી શક્યું નથી. બિપાશાથી અળગા થયા બાદ જ્હૉનને તો પ્રિયા રુંચાલ મળી ગઈ, પરંતુ બિપાશા આજેય તન્હા છે. એટલે જ તો તેમનું નામ સલમાન ખાન, હરમન બવેજા, ડીનો મારિયો જેવા લોકો સાથે જોડાતું રહે છે. જોઇએ બે વરસ બાદ જ્હૉન સાચે જ પ્રિયા સાથે લગ્ન કરી શકશે કે કેમ? આપને જણાવી દઇએ કે પ્રિયા રુંચાલ એક બૅંકર છે કે જે મુંબઈમાં વર્લ્ડ બૅંકમાં નોકરી કરે છે.