જુહી ચાવલાએ કર્યાં માધુરી દીક્ષિતના વખાણ
મુંબઈ, 2 મે : બૉલીવુડમાં સમય જ સૌથી બળવાન હોય છે. જ્યારે લોકોનો સિક્કો ચાલે છે, ત્યારે તેઓ એક-બીજા સાથે વાત પણ નથી કરતાં, પરંતુ જ્યારે સમય નિકળી જાય, લોકો ધરતીએ આવી વાત કરવા લાગે છે. કંઇક આવુંજ થઈ રહ્યું છે અભિનેત્રી જુહી ચાવલા સાથે. એટલે જ તો જુહી ચાવલાએ માધુરી દીક્ષિત અને તેમની એક્ટિંગના ભરપૂર વખાણ કર્યાં છે.
1984ના મિસ ઇન્ડિયા અને સુંદર અભિનેત્રીએ 90ના દાયકામાં મરાઠી વાળા માધુરી દીક્ષિતને જોરદાર ટક્કર આપી હતી. માધુરીના નંબર વન સિંહાસનને ડોલાવનાર જુહી ચાવલાએ ક્યારેય માધુરી સાથે કોઈ પણ ફિલ્મમાં કામ કર્યુ નથી. જોકે બંને વચ્ચે ક્યારેય કોઈ ઝગડો નહોતો થયો, પણ છતાં ફિલ્મી પડદે બંનેની સરખામણી થતી હતી અને તેથી બંને વચ્ચે ક્યારેય મિત્રતા જોવાઈ નહોતી.
પરંતુ આજે બંનેનો સમય વીતી ગયો છે. બંને કમબૅક કરી રહ્યાં છે. જુહી ચાવલા અને માધુરી દીક્ષિત પ્રથમ વાર ગુલાબ ગૅંગ ફિલ્મમાં સાથે કામ કરી રહ્યાં છે અને જુહી માધુરી ઉપર ઓળઘોળ થઈ ગયાં છે. ફિલ્મમાં જુહીએ નેગેટિવ રોલ કર્યો છે, જ્યારે હીરોઇન માધુરી છે. ફિલ્મના દિગ્દર્શક અનુભવ સિન્હા છે.
જુહી ચાવલાએ માધુરી અંગે જણાવ્યું - તેઓ મારા સૌથી સારા સહયોગી છે. તેમની સાથે કામ કરતાં મજા આવી. કદાચ જુહી જાણતાં હશે કે હવે તેમની અને માધુરી વચ્ચે કોઈ સ્પર્ધા નથી. એટલે એક્ટિંગમાં થોડુંક આઘુ-પાછુ થઈ પણ જાય, તો શો ફેર પડવાનો?