માત્ર પાંચ દિવસ પછી કરીના બની જશે ખાન
મુંબઈ, 10 ઑક્ટોબર : હા જી મિત્રો. આપણી બેબો કરીના કપૂર માત્ર 5 દિવસ પછી કરીના ખાનમાં તબ્દીલ થઈ જશે. તે પણ કાયદેસર. પછી દુનિયાની કોઈ તાકાત કરીના-સૈફને અલગ નહીં પાડી શકે અને બંનેએ આખું જીવન સાથ પસાર કરવા માટે કોઈના સહારાની જરૂર નહિં પડે.
સમાચાર છે કે કરીના કપૂર અને સૈફ અલી ખાનના લગ્નની તૈયારીઓ જોરશોરથી ચાલી રહી છે. 5 સ્ટાર હોટેલમાં બુકિંગ શરૂ થઈ ગયું છે. પટૌડી નવાબમાં ઘણી હલચલ છે. સૈફના માતા શર્મિલા ટાગોરની દેખરેખ હેઠળ પટૌડી પૅલેસમાં તમામ કામો થઈ રહ્યાં છે. બંને જ પરિવારોના ખાસ લોકો આ લગ્નમાં હાજરી આપશે. ખબર એ પણ છે કે 16મી ઑક્ટોબરે લગ્ન કર્યા બાદ સૈફ-કરીનાના લગ્નની પાર્ટી અપાશે. આ પાર્ટી 18મીએ યોજાશે. તેમાં બૉલીવુડ, રાજકારણ અને રમત-જગત ક્ષેત્રની જાણીતી હસ્તીઓ શામેલ થશે.
આ લગ્નમાં પટૌડી પરિવારના કેટલાંક સંબંધીઓ નથી આવી રહ્યાં. તેઓ સૈફના માતા શર્મિલાની કોઈ વાત અંગે નારાજ છે. આમ છતાં કપૂર અને ખાન પરિવાર પોતાની રીતે લગ્નની તૈયારીઓ કરી રહ્યાં છે. બંને જ ખાનદાનો લગ્ન અંગે મીડિયા સાથે કોઈ પણ પ્રકારની ચર્ચા કરવા નથી માંગતા.