મુકેશ અંબાણીના ઘરે કાઇ પો છેની સ્પેશિયલ સ્ક્રીનિંગ
મુંબઈ, 20 ફેબ્રુઆરી : સૌને ખબર છે કે અભિષેક કપૂરની ફિલ્મ કાઇ પો છે માટેની સ્પેશિયલ સ્ક્રીનિંગ બૉલીવુડ માટે કરાઈ હતી. ફિલ્મ જોયા બાદ બૉલીવુડે દિલ ખોલીને ફિલ્મના વખાણ કર્યાં, પરંતુ આપને ખબર નહિં હોય કે ફિલ્મની સ્પેશિયલ સ્ક્રીનિંગ બૉલીવુડથી પહેલા પણ કોઇકના માટે કરવામાં આવી હતી.
આપ જાણવાં માંગશો કોના માટે? તેમનું નામ છે ભારતના જાણીતા ઉદ્યોગપતિ મુકેશ અંબાણી. કાઇ પો છે ફિલ્મના નિર્માતા રૉની સ્ક્રૂવાળાના પ્રગાઢ મિત્ર છે મુકેશ અંબાણી. મુકેશ અંબાણી માટે બૉલીવુડની સ્પેશિયલ સ્ક્રનિંગથી બે દિવસ અગાઉ તેમના ઘર એંટેલેનાના સ્પેશિયલ થિયેટરમાં ફિલ્મ કાઇ પો છે દર્શાવવામાં આવી. ફિલ્મ પ્રત્યે મુકેશ અંબાણીની રુચિ એટલા માટે હતી, કારણ કે ફિલ્મ ગુજરાતની પૃષ્ઠભૂમિ સાથે જોડાયેલી છે. ખેર ફિલ્મ જોયા બાદ મુકેશ અંબાણીએ ફિલ્મના ખૂબ ખૂબ વખાણ કર્યાં અને આશા વ્યક્ત કરી કે ફિલ્મ જરૂર સફળ થશે.
એવી જ પ્રતિક્રિયા બૉલીવુડ તરફથી પણ આવી હતી. હૃતિક રોશન તથા વિદ્યા બાલન પણ ફિલ્મને સુંદર કહી ચુક્યાં છે. ચેતન ભગતની જાણીતી નવલકથા ધ થ્રી મિસ્ટેક્સ ઑફ માય લાઇફ પર આધારિત કાઇ પો છે ફિલ્મમાં ત્રણ મિત્રોની વાર્તા છે કે જેમનો ભેંટો ધર્મગુરુઓ સાથે થઈ જાય છે અને ત્યારે જ એક મિત્રને બીજા મિત્રની બહેન સાથે પ્રેમ થઈ જાય છે. અભિષેક અગાઉ જ કહી ચુક્યાં છે કે ફિલ્મમાં ધર્મ, રાજકારણ અને ક્રિકેટની નવી તસવીર લોકો સમક્ષ રજૂ થશે. ફિલ્મ 22મી ફેબ્રુઆરીએ રિલીઝ થઈ રહી છે.