'કંગના રનૌતની માનસિક સ્થિતિ ઠીક નથી', ઋતિક રોશને મોકલી હતી લીગલ નોટિસ, જાણો શું થયુ હતુ

આજે કંગના રનોતનો 36મો જન્મદિવસ છે. આવો, તેના જન્મદિવસે જાણીએ કંગના રનૌત અને ઋતિક રોશન વચ્ચે થયેલા વિવાદ વિશે.

Updated: Thursday, March 23, 2023, 7:45 [IST]

Kangana Ranaut Birthday: બૉલિવુડ અભિનેત્રી કંગના રનૌત માત્ર પોતાના અભિનય માટે જ નહિ પરંતુ પોતાના વિવાદાસ્પદ નિવેદનો માટે પણ જાણીતી છે. કાઈટ્સ અને ક્રિશ 3 ફિલ્મોમાં સાથે કામ કરી ચૂકેલ બૉલિવુડના હેન્ડસમ હીરો ઋતિક રોશન અને કંગના રનોતની પ્રેમ કહાનીની ખૂબ ચર્ચા થઈ હતી. આજે કંગના રનોતનો 36મો જન્મદિવસ છે. આવો, તેના જન્મદિવસે જાણીએ બંને વચ્ચે થયેલા વિવાદ વિશે.

ઋતિકે કંગનાને ફિલ્મમાંથી કાઢી દીધી હતી

કંગના રનૌત અને ઋતિક રોશન વચ્ચેનો વિવાદ જાન્યુઆરી 2016માં શરૂ થયો હતો. આ વિવાદ ઘણા વર્ષો સુધી હેડલાઇન્સમાં હતો. વાસ્તવમાં એવા સમાચાર હતા કે મેકર્સ ફિલ્મ 'આશિકી-3'ને લઈને કંઈક નવુ કરવા માંગે છે. આ ફિલ્મમાં કંગના રનૌત અને ઋતિક રોશનને કાસ્ટ કરવાની વાત સામે આવી રહી હતી. મીડિયા રિપોર્ટ્સ અનુસાર, ઋતિક રોશનના કહેવા પર કંગના રનૌતને ફિલ્મમાંથી કાઢી મૂકવામાં આવી હતી. આ પછી મીડિયામાં હલચલ મચી ગઈ હતી કે કંગના અને ઋતિક વચ્ચે કંઈ બરાબર નથી ચાલી રહ્યુ.

કંગના અને ઋતિકના અફેરની ચર્ચા

તમને જણાવી દઈએ કે, ફિલ્મ 'ક્રિશ-3'ના શૂટિંગ દરમિયાન ચારે બાજુ એ વાત ફેલાઈ ગઈ હતી કે કંગના રનૌત અને ઋતિક રોશન વચ્ચે અફેર ચાલી રહ્યુ છે. જોકે ઋતિક રોશન પરિણીત હતો અને તેણે ક્યારેય આ બાબતે કોઈ ટિપ્પણી કરી ન હતી. કંગનાને નવા પ્રોજેક્ટમાંથી બહાર કર્યા પછી, કંગનાએ એક ઇન્ટરવ્યુમાં ઋતિકને સિલી એક્સ કહીને બોલાવ્યો.કંગનાએ મીડિયા સામે કહ્યુ- એક્સ બૉયફ્રેન્ડ ધ્યાન ખેંચવા માટે ઘણી મૂર્ખતાપૂર્ણ વસ્તુઓ કરે છે, પરંતુ તે આ બધામાંથી બહાર આવી ગઈ છે. કંગનાના આ ઇન્ટરવ્યુ પછી તરત જ, ઋતિક રોશને એક ટ્વીટ કર્યુ અને લખ્યુ - મારી પોપ સાથે રોમાન્સ કરવાની સંભાવના કોઈ પણ શાનદાર મહિલા કરતા વધુ છે.

ઋતિકે કંગનાને મોકલી હતી લીગલ નોટિસ

આ ઈન્ટરવ્યુ બાદ બોલિવૂડ એક્ટર રિતિક રોશને પણ કંગના રનૌતને લીગલ નોટિસ મોકલી છે. આ નોટિસમાં રિતિક રોશને કંગના રનૌતને તેના અફેરના દાવા પર માફી માંગવાની માંગ કરી હતી. જોકે કંગનાએ સ્પષ્ટપણે માફી માંગવાનો ઇનકાર કર્યો હતો કારણ કે તેણે કહ્યું હતું કે તેણે કંઈ ખોટું કહ્યું નથી. આવી સ્થિતિમાં બંને વચ્ચે વિવાદ વધતો જ ગયો. રિતિક રોશનની નોટિસમાં લખવામાં આવ્યું હતું કે કંગનાએ તેને ઘણા બધા ઈમેલ મોકલ્યા હતા. જો કે, હૃતિકે લાંબા સમય સુધી આ મેઇલ્સની અવગણના કરી અને એક પણ મેઇલનો જવાબ આપ્યો નહીં. જોકે કંગના રનૌતે હૃતિકના આ આરોપોને ફગાવી દીધા હતા અને મીડિયાની સામે કહ્યું હતું કે હૃતિક રોશને તેની સાથે વાત કરવા માટે એક અલગ ઈમેલ આઈડી બનાવ્યું હતું.

કંગનાએ ઋતિક વિશે કર્યો ખુલાસો

બાદમાં કંગના રનૌતે પણ તેના કથિત બૉયફ્રેન્ડ ઋતિક રોશનને લીગલ નોટિસ મોકલી હતી. આ નોટિસમાં લખવામાં આવ્યુ હતુ કે ઋતિકે નવુ મેઈલ આઈડી બનાવ્યુ છે જેથી સુઝેનથી છૂટાછેડાની પ્રક્રિયા પર કોઈ અસર ન પડે. કંગનાએ નોટિસમાં એમ પણ કહ્યુ હતુ કે ઋતિક રોશને પોતે જ તેને તે મેઈલ આઈડી આપ્યુ હતુ.

ઋતિકે કહ્યુ - કંગના માનસિક રીતે ઠીક નથી

બંને વચ્ચેનો વિવાદ ત્યારે વધી ગયો જ્યારે ઋતિક રોશને તેની લીગલ નોટિસમાં કંગના રનૌત પર માનસિક રીતે બીમાર હોવાનો આરોપ લગાવ્યો. આ અંગે કંગનાએ કેમેરા સામે કહ્યુ કે ઋતિક રોશન પોતે માનસિક સમસ્યાનો શિકાર છે. તે કોઈને દુઃખ પહોંચાડવા માટે કંઈ પણ કરી શકે છે.

ક્રાઈમ ઈન્ટેલીજન્સ યુનિટને ટ્રાન્સફર કરવામાં આવ્યો કેસ

તમને જણાવી દઈએ કે ઋતિક રોશનના વકીલની અપીલ બાદ મુંબઈ પોલીસે આ કેસને ક્રાઈમ ઈન્ટેલિજન્સ યુનિટને ટ્રાન્સફર કરી દીધો હતો. કેસ CIUમાં ટ્રાન્સફર થયાના સમાચાર બાદ કંગના રનૌતે ઋતિક રોશન પર કટાક્ષ કર્યો અને ટ્વિટર પર લખ્યુ- નાનકડા અફેર માટે તુ ક્યાં સુધી રડીશ. અત્યારે તો આ મામલો થોડો શાંત થઈ ગયો છે પરંતુ ઋતિક અને કંગના વચ્ચે મનભેદ હજુ પણ ચાલુ છે.