BOX OFFICE: કંગના રાણાવત નંબર-1 ?

Published: Saturday, September 26, 2015, 14:06 [IST]

વેલ આ વાંચીને થોડું હેરાન ના થતા. આ અમે નહીં પણ બોક્સ ઓફિસના આંકડા કહી રહ્યાં છે. જી હા, આપણે સૌ જાણીએ જ છીએ કે કંગના રાણાવતની ફિલ્મ કટ્ટીબટ્ટી બોક્સ ઓફિસ પર ખરાબ રીતે પીટાઇ ચૂકી છે. પરંતુ તેમ છતા જો બોલીવુડ બોક્સ ઓફિસના આંકડા જોવામાં આવે તો કંગના રાણાવત હજી પણ નંબર-1ની પોઝીશન પર છે. જો કે આગામી સમયમાં દિપીકા પાદુકોણ, ઐશ્વર્યા રાય બચ્ચન, અને કાજોલ દ્વારા કેટલાક નવા રેકોર્ડ્ઝ બનાવવાની આશા રાખી શકાય છે. પણ હાલમાં તો કંગના જ રોકીંગ છે.

કંગના રાણાવતની આ વર્ષે રિલીઝ થયેલી ફિલ્મ તનુ વેડ્સ મનુ રીટર્ન્સે બોક્સ ઓફિસ પર 155 કરોડનું કલેક્શન કર્યું છે. જે બજરંગી ભાઇજાન બાદ બીજા નંબરે છે.

તનુ વેડ્ઝ મનુ રીટર્ન્સ

તનુ વેડ્ઝ મનુ રીટર્ન્સે બોક્સ ઓફિસ પર 155 કરોડની કમાણી કરી છે. બજરંગી ભાઇજાન બાદ આ બીજા નંબરની ફિલ્મ છે. જેણે બોક્સ ઓફિસ પર આટલી સારી કમાણી કરી છે.

હમારી અધુરી કહાની

વિદ્યા બાલનની ફિલ્મ હમારી અધુરી કહાનીથી દર્શકોને ખાસ્સી આશાઓ હતી. પરંતુ ફિલ્મ બોક્સ ઓફિસ પર ના ચાલી. ફિલ્મનું બોક્સ ઓફિસ કલેક્શન 37. 57 કરોડ છે.

પીકુ

દિપીકા પાદુકોણની ફિલ્મ પીકુએ બોક્સ ઓફિસ પર સારૂં પ્રદર્શન કર્યું. ફિલ્મે લગભગ 79.92 કરોડની કમાણી કરી છે. ફિલ્મ હીટ રહી છે. પરંતુ કંગના કરતા દિપીકા પાછળ જ રહી ગઈ.