કંગના રનૌતના એક ટ્વિેટે વિવાદ છેડ્યો, એવુ તો શું લખ્યુ હવે લોકો હિન્દુ વિરોધી કહી રહ્યા છે?
દીપિકાની બિકીની બાદ હવે એસએસ રાજામૌલીના એક નિવેદને મોટો વિવાદ છેડ્યો છે. આ નિવેદન બાદ રાજામૌલી રાઈટ વિંગના નિશાને ચડ્યા હતા અને સતત ટ્રોલ કરવામાં આવી રહ્યા છે.
નવી દિલ્હી : છેલ્લા કેટલાક સમયથી હિન્દુત્વને લઈને બોલિવૂડમાં મોટો વિવાદ ચાલી રહ્યો છે. દીપિકાની બિકીની બાદ હવે એસએસ રાજામૌલીના એક નિવેદને મોટો વિવાદ છેડ્યો છે. આ નિવેદન બાદ રાજામૌલી રાઈટ વિંગના નિશાને ચડ્યા હતા અને સતત ટ્રોલ કરવામાં આવી રહ્યા છે. જો કે અહીં સૌથી મોટી વાત એ છે કે કંગના પણ રાજામૌલીના સપોર્ટમાં આવી છે. રાજામૌલીનું સમર્થન કરતાં કંગના રનૌતે કહ્યું કે, દરેક જગ્યાએ ભગવો ધ્વજ ફરકાવવાની જરૂર નથી.
અહીં તમને જણાવી દઈએ કે, રાજામૌલીએ હાલમાં જ અમેરિકન મેગેઝિન ધ ન્યૂ યોર્કરને એક ઈન્ટરવ્યુ આપ્યો હતો. જેમાં તેમણે ધર્મ અને હિન્દુ ધર્મગ્રંથો પર ખુલીને વાત કરી હતી. આ ઈન્ટરવ્યૂમાં રાજામૌલીએ કહ્યું હતુ કે, તેઓ એક સમય માટે ખૂબ જ ધાર્મિક હતા, પરંતુ તેઓ હજુ નાસ્તિક બન્યા નથી. મહાભારત અને રામાયણ પ્રત્યેનો તેમનો પ્રેમ તે ગ્રંથોના ધાર્મિક પાસાંથી દૂર છે.
આ ઈન્ટરવ્યૂમાં રાજામૌલીએ કહ્યું કે, હું મારા પરિવારના ધાર્મિક ઉત્સાહમાં ફસાઈ ગયો. મેં ધાર્મિક ગ્રંથો વાંચવાનું શરૂ કર્યું, તીર્થયાત્રાઓ પર જવા લાગ્યો, ભગવા વસ્ત્રો પહેરીવા લાગ્યો. આ પછી કેટલાક મિત્રોના કારણે હું ખ્રિસ્તી ધર્મમાં જોડાયો. મેં બાઇબલ વાંચવાનું અને ચર્ચમાં જવાનું શરૂ કર્યું. ધીરે ધીરે આ બધી બાબતોએ મને અહેસાસ કરાવ્યો કે ધર્મ એ શોષણનો એક પ્રકાર છે.
હવે રાજામૌલીના આ નિવેદનનો વિરોધ શરૂ થઈ ગયો છે. કંગના રનૌત હવે આ મામલે રાજામૌલીને સપોર્ટ કરતી જોવા મળી રહી છે. એક વેબસાઈટના ટ્વીટનો જવાબ આપતા કંગનાએ લખ્યું કે ઓવરએક્ટ કરવાની કોઈ જરૂર નથી. દરેક જગ્યાએ ભગવો ધ્વજ રાખવાની જરૂર નથી. આપણું કાર્ય આપણા શબ્દો કરતાં મોટેથી બોલે છે. ગૌરવપૂર્ણ હિંદુ હોવા છતાં પણ આપણે દરેક પ્રકારના હુમલાઓનો સામનો કરવો પડે છે.
અહીં કંગનાએ આગળ લખ્યુ કે, અમારે ટ્રોલિંગનો શિકાર બનવું પડે છે અને આ સિવાય ઘણી નકારાત્મકતાનો સામનો કરવો પડે છે પરંતુ અમે દરેક માટે ફિલ્મો બનાવીએ છીએ. અમે કલાકારો ખાસ કરીને સંવેદનશીલ છીએ. અમને કહેવાતા દક્ષિણપંથી તરફથી પણ કોઈ સમર્થન મળતું નથી. અમે સંપૂર્ણપણે અમારા પોતાના પર નિર્ભર છીએ.
અહીં કંગનાએ ટ્રોલ્સને નિશાને લેતા કહ્યું કે, બેસો, હિંમત પણ ન કરો, હું રાજામૌલી સર વિરુદ્ધ કંઈપણ સહન નહીં કરું. તે વરસાદની એક લૌ જેવા છે, પ્રતિભાશાળી અને રાષ્ટ્રવાદી છે. અમે તેને મેળવીને ધન્ય છીએ. કંગનાનો આ નવો લૂક જોઈને રાઈટ વિંગ ટ્રોલ ચોંકી ગયા છે. ઘણા યુઝર્સ કંગનાને નિશાન બનાવી રહ્યા છે.
Click it and Unblock the Notifications
Sign in with Google
