કંગનાનો મુજરો : કલેજા હાજિર હૈ... ખંજર કહાં હૈ...
મુંબઈ, 15 માર્ચ : કલેજા હાજિર હૈ... ખંજર કહાં હૈ... બોલ ઉપર મુજરો કરવા તૈયાર છે કંગના રાણાવત. ફિલ્મ રજ્જોમાં કંગના રાણાવત મુજરો કરી પોતાની જાતમાં રેખાની ઝલક દાખવવાની કોશિશ કરશે.
વિશ્વાસ પાટિલ દિગ્દર્શિત રજ્જો ફિલ્મમાં કંગના રાણાવત મુજરો કરવાનાં છે અને તે માટેનું શૂટિંગ પણ પુરજોશમાં ચાલી રહ્યું છે. ફિલ્મમાં મહેશ માંજરેકર પણ છે કે જેઓ સ્ત્રીના વેશમાં દેખાય છે.
કંગના રાણાવત હાલ પોતાની આવનાર ફિલ્મ આઈ લવ એનવાયના પ્રમોશનમાં વ્યસ્ત છે. ફિલ્મમાં તેમના હીરો છે સન્ની દેઓલ. કંગનાની સન્ની સાથે આ પ્રથમ ફિલ્મ છે.
દરમિયાન કંગના ને વિશ્વાસ પાટિલની રજ્જો ફિલ્મમાં મુજરો કરવાની ઑફર મળી કે જે તેમણે તરત સ્વીકારી લીધી. એમ પણ કંગનામાં લોકો રેખાની છબી જુએ છે. રેખા પોતાના ફિલ્મી કૅરિયરમાં મુજરો કરવાની બાબતમાં ખૂબ જ જાણીતાં રહ્યા હતાં. મુકદ્દર કા સિકંદર, સુહાગ, ઉમરાવ જાન જેવી ફિલ્મોમાં રેખાના મુજરા ગીતો યાદગાર છે.
હવે વિશ્વાસ પાટિલ કંગનાના રેખા લુકને વટાવવા માંગે છે અને તેમણે કંગના રાણાવતને પોતાની ફિલ્મ રજ્જોમાં મુજરો કરવા માટે કહ્યું અને કંગનાએ તે સ્વીકારી પણ લીધું. કંગના જે ગીત ઉપર મુજરો કરવાનાં છે, તેના બોલ છે કલેજા હાજિર હૈ... ખંજર કહાં હૈ... આ ગીતનું શૂટિંગ શરૂ થઈ ગયું છે.
કંગના રાણાવતે ત્રણ વર્ષની કત્થકની તાલીમ લીધેલી છે.
Click it and Unblock the Notifications
Sign in with Google
