Video: કરીના કપૂર ખાનના નાના દીકરા જેહે મા સામે કરી આવી હરકત, ક્યુટ ગુસ્સાનો વીડિયો થયો વાયરલ
Kareena Kapoor Khan Video: બૉલિવુડ અભિનેત્રી કરીના કપૂર ખાનની સાથે તેના બે પુત્રો તૈમુર અલી ખાન અને જેહ પણ પાપારાઝીઓમાં ખૂબ લોકપ્રિય છે. તૈમૂર અને જેહના વીડિયો અને તસવીરો સોશિયલ મીડિયા પર લોકપ્રિય રહે છે. હાલમાં જ કરીના કપૂર ખાન અને તેના નાના પુત્ર જેહનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે.
આ વીડિયોમાં જેહ ખૂબ જ ગુસ્સામાં જોવા મળે છે. તમને જણાવી દઈએ કે કરીના કપૂર ખાનનો નાનો દીકરો જેહ ખૂબ જ શાંત છે અને લોકો તેની ક્યુટનેસના દિવાના પણ છે. પરંતુ તાજેતરમાં લોકોને જેહનો ગુસ્સો જોવા મળ્યો છે. ગુસ્સામાં જેહે કંઈક એવું કર્યું કે તેની માતા કરીના કપૂર પણ જોઈ રહી.
આ વીડિયો હાલમાં ઈન્ટરનેટ પર ટ્રેન્ડ કરી રહ્યો છે. કરીના કપૂર ખાન હાલમાં જ તેના પિતા રણધીર કપૂરને મળવા આવી હતી. તેની સાથે તેના બંને પુત્રો તૈમૂર અને જેહ પણ જોવા મળ્યા હતા. બાળકોની નેની પણ ત્યાં હતી. આ તમામ લોકોનો એક વીડિયો સામે આવ્યો છે, જે હાલમાં લોકોમાં ચર્ચાનો વિષય છે. લોકો આ વીડિયો પર જોરદાર કોમેન્ટ કરી રહ્યા છે.
વીડિયોમાં જોઈ શકાય છે કે કરીના કપૂરનો નાનો દીકરો જેહ કારમાંથી નીચે ઉતરતા જ ગુસ્સામાં નેપકિન નીચે ફેંકી દે છે. પોતાના પુત્રને આવું કરતા જોઈ કરીનાને ખૂબ ગુસ્સો આવે છે. તે જેહને જોતી રહે છે. જો કે, નેની આગળ વધે છે અને નેપકીન ઉપાડે છે. પછી બધા અંદર જાય છે.
આ વીડિયો જોયા બાદ લોકો કરીના કપૂર અને તેના પુત્ર વિશે અલગ-અલગ પ્રકારની કોમેન્ટ કરી રહ્યા છે. કેટલાક લોકો કહે છે કે કરીનાએ તેના બાળકોને શિષ્ટાચાર શીખવવાની જરૂર છે. જો કે, કરીનાના ચાહકોએ જેહનો બચાવ કર્યો અને કહ્યું કે તે એક નાનો બાળક છે અને તેને જજ ન કરવો જોઈએ.
Click it and Unblock the Notifications
Sign in with Google
