Katrina Kaif Temple: ભારતના આ ગામમાં થાય છે કેટરિના કૈફની પૂજા, જાણો કારણ
Katrina Kaif Pooja: બોલીવુડ અભિનેત્રી કેટરિના કૈફ મંગળવારના રોજ તેનો 41મો જન્મદિવસ ઉજવી રહી છે. આ ખાસ અવસર પર તેના ચાહકો તેને સોશિયલ મીડિયા પર જન્મદિવસની શુભેચ્છા પાઠવી રહ્યા છે.
આવામાં એક એવો ચાહક પણ છે, જે 11 વર્ષથી કેટરિનાનો જન્મદિવસ ન માત્ર ધામધૂમથી સેલિબ્રેટ કરી રહ્યો છે, પરંતુ તેની ભગવાનની જેમ પૂજા પણ કરી રહ્યો છે.
મામલો હરિયાણાના ચરખી દાદરી જિલ્લાનો છે. અહીં ધાની ફોગાટ ગામના રહેવાસી કરમબીર ઉર્ફે બંતુ અને તેની પત્ની સંતોષ કેટરીના કૈફને દેવીની જેમ પૂજે છે.
11 વર્ષથી આ કપલ સતત કેટરીનાનો જન્મદિવસ કેક કાપીને અને લાડુ વહેંચીને ખૂબ જ ધામધૂમથી ઉજવે છે. તેની ઈચ્છા છે કે, કેટરીના કૈફ તેને મળવા આવે.
બંતુ કહે છે કે, તે 13-14 વર્ષનો હતો ત્યારથી કેટરિના કૈફનો જન્મદિવસ ઉજવી રહ્યો છે. લગ્ન પહેલા તે એકલો જ ઉજવતો હતો અને હવે કેટરિના કૈફનો જન્મદિવસ તેની પત્ની સાથે ઉજવે છે. બંતુ કેટરિના કૈફને એકવાર મળવા ઈચ્છે છે. તેને પૂરી આશા છે કે, તે કોઈ દિવસ અભિનેત્રીને ચોક્કસ મળશે.
સંતોષે જણાવ્યું હતું કે, આજે કેટરિના 41 વર્ષની થઈ ગઈ છે, આ પ્રસંગે મેં અને મારા પતિએ તેનો જન્મદિવસ ખૂબ જ ધામધૂમથી ઉજવ્યો હતો. હાથ જોડીને હું વિનંતી કરું છું કે કેટરિના કૈફ જલદી મને મળવા આવે. અમે 11 વર્ષથી દરરોજ તેમની પૂજા કરીએ છીએ. મારા પતિની જેમ હું પણ તેમને ખૂબ માન આપું છું.
કેટરિના કૈફના જન્મદિવસ પર તેના પતિ અને અભિનેતા વિકી કૌશલે પ્રેમ દર્શાવતા ઘણા ફોટા શેર કર્યા છે. આમાંથી એક ફોટોમાં કેટરિના કારમાં બેસીને સૂતી જોઈ શકાય છે. બીજી તસવીરમાં તે વિકીના ખભા પર માથું રાખીને સૂઈ રહી છે. આ દરમિયાન બંનેએ માસ્ક પહેર્યા છે.
ત્રીજી તસવીરમાં તેઓ વેકેશનમાં મસ્તી કરતા જોવા મળે છે, અને બીજી તસવીરમાં તેઓ એકસાથે પૂજા કરતા, પિઝાની મજા લેતા અને એકબીજાનો હાથ પકડતા જોવા મળે છે.
આ તસવીરો શેર કરતી વખતે, અભિનેતાએ કેપ્શનમાં લખ્યું, તારી સાથે યાદોને વહાલ કરવી એ મારા જીવનનો સૌથી મધુર ભાગ છે, જન્મદિવસની શુભેચ્છા મારા પ્રેમ.
Click it and Unblock the Notifications
Sign in with Google
