કેટરીના કૈફ સામાન્ય ગૃહિણીની જેમ રાખે છે ઘર ખર્ચનો હિસાબ, વિકી કૌશલે કર્યા રસપ્રદ ખુલાસા
Vicky Kausal And Katrina Kaif: બૉલિવુડના સુંદર પરિણીત યુગલોમાંના એક કેટરીના કૈફ અને વિકી કૌશલે ડિસેમ્બર 2021માં રાજસ્થાનના સવાઈ માધોપુરમાં શાહી અંદાજમાં લગ્ન કર્યા હતા. લગ્ન પહેલા બંનેની ડેટ ખૂબ જ ગુપ્ત હતી.
જો કે લગ્ન બાદ વિકી કૌશલ પોતાની સુંદર અભિનેત્રી પત્ની વિશે ખુલીને વાત કરે છે. હાલમાં ફરી એકવાર વિકી કૌશલે કેટરીના કેવી રીતે ઘરને મેનેજ કરે છે તે વિશે ખૂબ જ મજાની વાત શેર કરી છે. વિકી કૌશલે ખુલાસો કર્યો કે કેવી રીતે તેની પત્ની કેટરીના દર અઠવાડિયે ઘરે વીકલી બજેટ મીટિંગ કરે છે.
વિકીએ જણાવ્યું કે કેટરીના કૈફ ઘરના બજેટ પર ચર્ચા કરવા માટે તેના સ્ટાફ મેમ્બર્સ સાથે વીકલી મીટિંગ કરે છે. વિકીએ કહ્યુ કે કેટરીના પૈસા કેવી રીતે ખર્ચવામાં આવે છે તેનુ ખૂબ ધ્યાન રાખે છે.
વિકી કૌશલે જણાવ્યુ કે, 'સૌથી મજાનો અનુભવ એ છે કે જ્યારે કેટરીના દર અઠવાડિયે અથવા દર બીજા અઠવાડિયે ઘરે મીટિંગ કરે છે. તે સમગ્ર સ્ટાફને સાથે બોલાવે છે અને ઘરના બજેટની ચર્ચા કરે છે. તે પૈસા કેવી રીતે ખર્ચવામાં આવે છે, તેનુ ધ્યાન રાખે છે. પણ જ્યારે એ ચર્ચા થાય છે ત્યારે મને બહુ મઝા આવે છે. હું દર્શક હોઉ છુ અને પૉપ કોર્ન લઈને બેસુ છુ. આ સાથે વિકીએ કેટરીનાની આ સ્ટાઇલને પણ શાનદાર ગણાવી હતી.
વિકી કૌશલ હાલમાં તેની તાજેતરની રીલિઝ 'જરા હટ કે, જરા બચ કે'માં કંજૂસ પતિની ભૂમિકામાં જોવા મળે છે. જ્યારે તેને પૂછવામાં આવ્યું કે શું તે પણ કંજૂસ છે, તો તેણે સંમતિ આપી અને કહ્યું કે કેટરrનાએ તેને ઘર માટે બાર ખરીદવા કહ્યું હતુ પરંતુ કિંમત સાંભળીને હું દંગ રહી ગયો અને મે બાર લેવાનો ઇનકાર કરી દીધો અને કહ્યું કે તેના બદલે હું અહીં ટ્રે લઈને ઉભો રહી જઉ છુ.
Click it and Unblock the Notifications
Sign in with Google
