મોગૅંબોની જેમ હિટ થશે ક્રિશ 3નો કાલ?
મુંબઈ, 8 ઑગસ્ટ : ફરી એક વાર હિન્દી સિનેમાના દર્શકો સામે સુપર હીરોની ફિલ્મ આવી રહી છે. તેનું નામ છે ક્રિશ 3, પણ કોઈ પણ સ્ટાર સુપર હીરો ત્યાં સુધી ન બની શકે કે જ્યાં સુધી તેની સામે કોઈ બળવાન વિલન ન હોય તેથી આ વખતે રાકેશ રોશને ખાસ રીતે પોતાની ફિલ્મના ખલનાયકને ભયાનક સ્વરૂપે લોકો સમક્ષ લાવવાની કોશિશ કરી છે. તેનું નામ છે કાલ કે જેની સાથે ક્રિશ 3ના હીરો હૃતિક રોશન બાથ ભીડતાં નજરે પડશે.
અત્યાર સુધી હિન્દી સિનેમાના ઇતિહાસમાં સુપર હીરો તરીકે મિસ્ટર ઇન્ડિયા ફિલ્મ જ સીમાચિહ્ન રહી છે કે જેમાં હીરો અનિલ કપૂરને એક નવી ઈમેજ આપી હતી, તો બીજી બાજુ ફિલ્મના વિલન અમરીશ પુરી એટલે કે મોગૅંબો અમર થઈ ગયા હતાં. આજે પણ લોકો મોગૅંબોને યાદ કરે છે. તેમનો તકિયા કલામ મોગૅંબો ખુશ હુઆ.. આજેય સૌની જીભે આવી ચડે છે.
જોઇએ કે વિવેક ઓબેરૉય કાલ સાથે કેવા પ્રયોગો કરે છે. સાંભળે છે કે ક્રિશ 3 ફિલ્મમાં વિવેક 28 કિલો વજન ધરાવતા એક કાળા ડ્રેસમાં દેખાશે. ફિલ્મ માટે તેમના મેક-અપ તથા પર્સનાલિટી ઉપર ઘણી મહેનત કરવામાં આવી છે. ફિલ્મમાં વિવેકના રોલના વખાણ કરતાં હૃતિક રોશન બોલી ગયાં કે ફિલ્મમાં ખલનાયકનો રોલ એટલો રસપ્રદ છે કે તેમની ઇચ્છા થઈ આવી કે તેઓ જ કાલનો રોલ કરી નાંખે, પણ તે શક્ય નહોતું.
Click it and Unblock the Notifications
Sign in with Google
