હાર્ટ ઍટૅકથી જિંદગી બદલાય ખરી? અદાની બદલાઈ છે : જાણો કઈ રીતે

Published: Thursday, March 13, 2014, 11:48 [IST]

મુંબઈ, 13 માર્ચ : વિક્રમ ભટ્ટ દિગ્દર્શિત 1920 સાથે અભિનય ક્ષેત્રે શરુઆત કરનાર અભિનેત્રી અદા શર્માએ તાજેતરમાં જ તેલુગુ ફિલ્મ હાર્ટ ઍટૅકમાં પણ અભિનય કર્યો છે. અદાનું કહેવું છે કે હિન્દી અને દક્ષિણ ભારતીય સિનેમા વચ્ચે અંતર ઓછું થઈ રહ્યું છે.

આઈએએનએસ સાથે એક વાતચીતમાં અદા શર્માએ જણાવ્યું - અહીં સુધી કે ઘણી બધી દક્ષિણ ભારતીય ફિલ્મોની હિન્દી રીમેક બની રહી છે. મને લાગે છે કે એક ઉદ્યોગના અભિનેતાઓ, ટેક્નીશિયનો અને દિગ્દર્શકો દ્વારા બીજા ઉદ્યોગમાં કામ કરવાથી બંને ઉદ્યોગો વચ્ચેનું અંતર મટી રહ્યું છે. તેલુગુમાં અદાની પ્રથમ ફિલ્મ હાર્ટ ઍટૅકનું દિગ્દર્શન પુરી જગન્નાથને કર્યું છે, પણ ફિલ્મના ફોટોગ્રાફી દિગ્દર્શક મુંબઈના છે.

અદા શર્મા તાજેતરમાં હસી તો ફસી અને હમ હૈં રાહી કાર કે જેવી બૉલીવુડ ફિલ્મોમાં દેખાયા હતાં. તેમણે એક તેલુગુ ફિલ્મમાં પણ કામ કર્યું છે, તો હજી તેમની પાસે સાઉથની અને બૉલીવુડની ફિલ્મોની થોડીક ઑફરો છે.

ચાલો તસવીરો સાથે જોઇએ અદા શર્માની જિંદગી કોણે બદલી નાંખી :

1920થી શરુઆત

અદા શર્માએ વિક્રમ ભટ્ટ દિગ્દર્શિત ફિલ્મ 1920થી અભિનય કારકિર્દીની શરુઆત કરી હતી.

હાર્ટ ઍટૅક

અદાએ તાજેતરમાં જ તેલુગુ ફિલ્મ હાર્ટ ઍટૅકમાં કામ કર્યું છે. પુરી જગન્નાથ દિગ્દર્શિત ફિલ્મ હાર્ટ ઍટૅકમાં તેમના હીરો નિતિન છે.

હસી તો ફસી

અદા શર્મા તાજેતરમાં જ આવેલી હસી તો ફસી અને હમ હૈં રાહી કાર કે ફિલ્મોમાં પણ દેખાયા હતાં.

ભાષાથી પર થયું ઉદ્યોગ

અદાએ એક વાતચીતમાં જણાવ્યું - અભિનેતાઓ અને ટેક્નીશિયનો ભાષાથી પર વિવિધ ઉદ્યોગમાં કામ કરવા લાગ્યાં છે.

રેખા થઈ ધુંધળી

તેમણે જણાવ્યું - આમ થવાથી મને લાગે છે કે ઉદ્યોગો વચ્ચેની રેખા ધુંધળી થવા લાગી છે.

મારો જ દાખલો લઈ લ્યો

અદાએ પોતાના કૅરિયરનો દાખલો આપતા જણાવ્યું - મેં હાર્ટ ઍટૅક ત્યારે સાઇન કરી કે જ્યારે હું હસી તો ફસીના છેલ્લા તબક્કે હતી. મને ખબર હતી કે હું કરણ જૌહરની ફિલ્મ કરી રહી છું. છતાં પણ હું પુરી સર સાથે કામ કરવા માંગતી હતી.

તેલુગુ-તામિળમાં કામ કરવાની ઇચ્છા

અદાએ જણાવ્યું - હું તેલુગુ અને તામિળના ઘણા દિગ્દર્શકો સાથે કામ કરવા માંગુ છું.

હું યોજના બનાવતી યુવતી નથી

અદાને પોતાના કૅરિયરની યોજના બનાવવી પસંદ નથી. તેમણે જણાવ્યું - હું યોજના બનાવનારી છોકરી નથી.

હૉરરમાંથી પ્રોફેશનલ ફિલ્મ

અદાએ જણાવ્યું - મેં હૉરર બૉલીવુડ ફિલ્મથી શરુઆત કરી હતી, જ્યારે તેલુગુમાં મારી શરુઆત ખૂબ જ વ્યાવસાયિક છે. હકીકતમાં હું પોતાના કૅરિયરનું આયોજન નથી કરતી.