Pics : ગૅંગસ્ટર તરીકે કમબૅક કરશે પરદેસ ગર્લ ગંગા!

Updated: Saturday, August 3, 2013, 14:36 [IST]

મુંબઈ, 3 ઑગસ્ટ : સુભાષ ઘઈના શોધ મહિમા ચૌધરી લગ્ન કર્યા અને મમ્મી બન્યા બાદ પુનઃ એક વાર બૉલીવુડમાં કમબૅક કરી રહ્યાં છે. તેમની કમબૅક ફિલ્મ એક રીયલ સ્ટોરી પર આધારિત છે. આ ફિલ્મ બૉલીવુડ અભિનેત્રી અર્ચના શર્મા ઉપર આધારિત છે. અર્ચના દેવ આનંદના અભિનેત્રી હતાં કે જેઓ એક હીરોઇનમાંથી ગૅંગસ્ટર બની જાય છે.

બૉલીવુડમાં અર્ચના શર્મા બહુ ઓછા લોકો જ જાણે છે. આ ફિલ્મને એસ એસ હુસૈન ઝૈદીના પુસ્તક માફિયા ક્વીન્સ ઑફ મુંબઈના આધારે રૂપેરી પડદે ચરિતાર્થ કરાશે. ફિલ્મનું નામ મુંબઈ ધ ગૅંગસ્ટર રાખવામાં આવશે અને મહિમા ચૌધરી તેમાં લીડ રોલમાં હશે. ફિલ્મનું નિર્માણ શશિરંજન કરી રહ્યાં છે. ફિલ્મ માટે મહિમાએ 8-10 કિલો વજન વધાર્યું છે. હીરો રાહુલ દેવ હશે કે જેઓ ગૅંગસ્ટર બબલૂ શ્રીવાસ્તવનો રોલ કરશે. ઉપરાંત લાંબા સમય બાદ સુધાંસુ પાન્ડે તથા ગોવિંદ નામદેવ પણ નજરે પડશે.

નોંધનીય છે કે બૉલીવુડમાં શાહરુખ ખાન સાથે પરદેસ દ્વારા પ્રવેશ કરનાર મહિમા ચૌધરી 2008થી પડદા ઉપરથી ગાયબ છે. સુભાષ ઘઈએ આ ફિલ્મ બનાવી હતી કે જેઓ મોટાભાગે પોતાની ફિલ્મોમાં એમ નામાક્ષર ધરાવતી અભિનેત્રીઓને લૉન્ચ કરવા માટે જાણીતા છે. તેઓ આગામી ફિલ્મ કાંચીમાં પણ મિષ્ટી નામની અભિનેત્રીને લૉન્ચ કરી રહ્યાં છે. ( વાંચો : સુભાષ ઘઈનું એમ કનેક્શન)

મહિમા છેલ્લી વાર ગુમનામમાં દેખાયા હતાં. જોકે મહિમા ચૌધરી પોતે બૉલીવુડમાં કમબૅક તરીકે નથી માનતાં. તેઓ કહે છે કે તેઓ બૉલીવુડથી ક્યારેય દૂર થયા જ નહિં, પણ સારી ભૂમિકાઓની રાહ જોતા હતાં કે જે હવે મળી છે.