Malayalam Actor નિવિન પૉલી સામે અભિનેત્રીએ લગાવ્યો યૌન શોષણનો આરોપ, કહ્યુ - 3 દિવસ સુધી એક રુમમાં...
Malayalam Film Industry Me Too Case Against Nivin Pauly: મલયાલમ ફિલ્મ ઈન્ડસ્ટ્રીમાં અત્યારે હોબાળો મચેલો છે. દરેક જગ્યાએથી રોજ નવા કેસો પ્રકાશમાં આવી રહ્યા છે. હવે વધુ એક કિસ્સાએ મલયાલમ ફિલ્મ ઈન્ડસ્ટ્રીમાં હલચલ મચાવી દીધી છે. તાજેતરમાં જ એક એક્ટ્રેસની સેક્સ્યુઅલ હેરેસમેન્ટના કેસમાં એક્ટર નિવિન પૉલીનું નામ સામે આવ્યું છે.
અહેવાલો મુજબ એક મહિલા વિરુદ્ધ એક ફિલ્મમાં કામના બદલામાં તેનું યૌન શોષણ અને સેક્સ્યુઅલ ફેવરની માંગણી કરવાની ફરિયાદ દાખલ કરવામાં આવી છે. મલયાલમ પ્રાદેશિક ચેનલના રિપોર્ટર અનુસાર, અભિનેત્રીએ છ લોકો સામે ફરિયાદ નોંધાવી છે જેમણે મહિલાને અભિનયની તક આપવાનું વચન આપીને તેનું યૌન શોષણ કર્યું હતું.
મહિલાએ એ પણ જણાવ્યું કે આ ઘટના નવેમ્બરમાં દુબઈમાં બની હતી. આ મહિલા કેરળના એર્નાકુલમ જિલ્લાની રહેવાસી છે.પીડિતાએ એક પ્રાદેશિક પોર્ટલ સાથે તેની આપવીતી શેર કરી અને કહ્યું કે આરોપીએ તેને ત્રણ દિવસ સુધી ખોરાક અને પાણી વિના રૂમમાં બંધ રાખી હતી અને એક વખત તેને ડ્રગ્સ પણ આપ્યું હતું.
મહિલાએ દાવો કર્યો હતો કે તે પૉલી અને અન્ય પાંચ લોકોને પહેલીવાર દુબઈમાં મળી હતી. જ્યાં તેણે તે મહિલાને તેની સાથે યુરોપ લઈ જવાનું કહ્યું હતું અને તેના બદલામાં ત્રણ લાખ રૂપિયા પણ લીધા હતા. જ્યારે મહિલાએ તેને તેના પૈસા વિશે પૂછ્યું ત્યારે તેણે તેને ટાળવાનો પ્રયાસ કર્યો અને બાદમાં તેણે મહિલાનો પરિચય એક આરોપી નિર્માતા એકે સુનીલ સાથે કરાવ્યો, જેણે કહ્યું કે તે મહિલાને એક ફિલ્મમાં રોલ અપાવશે.
મહિલાએ વધુમાં જણાવ્યું હતું કે, "જ્યારે હું એક ઈન્ટરવ્યુ માટે એક હોટલમાં ગઈ હતી, ત્યારે મારું શારીરિક શોષણ કરવામાં આવ્યું હતું. તેઓએ મને તેમના રૂમની પાસેના એક રૂમમાં ત્રણ દિવસ સુધી ખોરાક કે પાણી વિના બંધ રાખી હતી અને માત્ર નશીલી દવાવાળુ પાણી જ આપ્યું હતું. તેઓએ મારા પતિ અને પુત્રને મારી નાખવાની ધમકી આપી અને તેના જૂથે મારો ફોન બળજબરીથી છીનવી લીધો, જેના કારણે તેમની પાસે કોઈ પુરાવા નથી."
મલયાલમ ફિલ્મ સ્ટાર નિવિન પૉલી, 40 વિરુદ્ધ કેસ નોંધાયાના કલાકો પછી, અભિનેતાએ મંગળવારે આરોપોને નકારી કાઢ્યા અને કહ્યું કે તે કેસ લડવા માટે કોઈપણ હદ સુધી જશે. મંગળવારે સાંજે પ્રેસ કૉન્ફરન્સમાં મીડિયા સાથે વાત કરતાં પૉલીએ કહ્યું, "મને ખબર નથી કે તે કોણ છે, મેં તેને ક્યારેય જોઈ નથી કે તેની સાથે વાત કરી નથી. આ પાયાવિહોણા સમાચાર છે અને આ આરોપો ખોટા છે. તે સાબિત કરવા માટે કોઈપણ હદ સુધી જઈશ."
સૂત્રોના જણાવ્યા અનુસાર, ફરિયાદમાં કહેવામાં આવ્યું છે કે ગયા મહિને હેમા કમિટીના રિપોર્ટ સામે આવ્યા પછી, તેઓએ ઘણી ફરિયાદો વિશે સાંભળ્યું અને તેથી તેઓએ પૉલી વિરુદ્ધ નવી ફરિયાદ નોંધાવવાનું નક્કી કર્યું. એર્નાકુલમ જિલ્લાની ઓનુક્કલ પોલીસે પૉલી વિરુદ્ધ કેસ નોંધ્યો છે, જે મલયાલમ ફિલ્મ ઉદ્યોગ સાથે સંકળાયેલી મહિલાઓના જાતીય શોષણના તમામ કેસોની તપાસ કરવા માટે કેરળ સરકારની વિશેષ તપાસ ટીમ (SIT)ને સોંપવામાં આવશે.
બે કેરળ ફિલ્મ એવોર્ડ જીતી ચૂકેલ પૉલીએ 2010માં ફિલ્મ ઈન્ડસ્ટ્રીમાં જોડાતા પહેલા સોફ્ટવેર એન્જિનિયર તરીકે પોતાની કારકિર્દીની શરૂઆત કરી હતી. પરંતુ બાદમાં તેણે અભિનયનો માર્ગ પસંદ કર્યો. તેણે 50થી વધુ ફિલ્મો કરી છે, જેમાંથી ઘણી બૉક્સ ઓફિસ હિટ રહી હતી. તેણે 2016માં તેના બેનર શ્રી પૉલી જુનિયર પિક્ચર્સ હેઠળ 'એક્શન હીરો બિજુ' સાથે નિર્માતાની ભૂમિકા ભજવી, જે ખૂબ જ કમાણી કરનાર સાબિત થઈ.
Click it and Unblock the Notifications
Sign in with Google
