એક બાળકની માતા મલ્લિકા ક્યારેય લગ્ન કરવા નથી માંગતી
મુંબઈ, 28 સપ્ટેમ્બર : મર્ડર ફિલ્મ દ્વારા સનસનાટી મચાવનાર સેક્સી મલ્લિકા શેરાવતને લગ્નમાં કોઈ રસ નથી. તે જણાવે છે કે લગન-બગન બધી બેકારની વાતો છે. તેને તેનાથી કઈં લાગેવળગે નહિં. તેથી ક્યારેય લગ્ન નહિં કરે.
મલ્લિકાને લાગે છે કે લગ્ન કરવાથી તેની આઝાદી જોખમાશે. મલ્લિકાએ સ્મિત ફરકાવતાં જણાવ્યું, ‘જો મેં લગ્ન કર્યાં, તો તેવા પુરુષોનુ શું થશે, જેઓ મને બેહદ પ્રેમ કરે છે.'
બિન્દાસ્ત બાળા મલ્લિકા હાલ પોતાની આવનાર ફિલ્મ કિસ્મત લવ પૈસા દિલ્લી અંગે વધુ પડતી વ્યસ્ત છે. ફિલ્મમાં તેના હીરો તરીકે સાથિયા ફેમ વિવેક ઓબેરૉય છે. ફિલ્મનું દિગ્દર્શન સંજય ખંડુરી કરી રહ્યાં છે. આ ફિલ્મ આગામી 5મી ઑક્ટોબરે રિલીઝ થવાની છે.
જોકે આપને જણાવી દઇએ કે મલ્લિકા કે જેનું સાચું નામ રીમા લાંબા છે તે આજે લગ્ન પ્રત્યે ભરોસો નથી ધરાવતી, તે રીયલ લાઇફમાં પરીણિત છે અને એક બાળકની માતા છે. ફિલ્મોમાં આવતા અગાઉ જ તે એક પુત્રની માતા હતી, પરંતુ કોઈક કારણસર તેના પતિએ તેની સાથે છેડો ફાડી નાંખ્યો. મલ્લિકાનો પુત્ર તેના પિતા સાથે રહે છે.
Click it and Unblock the Notifications
Sign in with Google
