એક દિવસ હું પણ કરણ સાથે કામ કરીશ : મનીષ

મુંબઈ, 20 જુલાઈ : વીડિયો જૉકીમાંથી અભિનેતા બનેલા મનીષ પૉલ ફિલ્મ મિકી વાયરસ દ્વારા બૉલીવુડમાં પ્રવેશ કરવાં જઈ રહ્યાં છે અને તેમને આશા છે કે તેઓ એક દિવસ ફિલ્મ નિર્માતા કરણ જૌહર સાથે કામ કરશે જેમ કે કરણે પોતે પણ ભવિષ્યમાં તેમને એક ઉપયુક્ત ભૂમિકા આપવાનો વાયદો કર્યો છે.

મનીષ પૉલે મિકી વાયરસ ફિલ્મના થિયેટરિકલ ટ્રેલર લૉન્ચિંગ પ્રસંગે જણાવ્યું - કરણ અને હું બહુ સારા મિત્રો છીએ, પણ હું તેમની સાથે ફિલ્મ અંગે વાત નથી કરતો. મેં તેમને ક્યારેય ફિલ્મ અંગે પૂછપરછ કરી નથી, પણ હા, કરણે પોતે મને કહ્યુ હતું કે મારા માટે સારી ભૂમિકા હશે, તો તેઓ મને ઑફર કરશે, કારણ કે કરણ જૌહર કોઈ પણ એવી ભૂમિકા આપી મારો સમય બર્બાદ કરવા નથી માંગતાં કે જે મારા લાયક ન હોય.

મનીષે જણાવ્યું - હું આ બાબતની આશા કરુ છું કે કરણને સારી વાર્તા મળે કે જે તેમના મુજબ મારા માટે યોગ્ય હોય. મને આશા છે કે તેઓ મને ઑફર કરશે. મનીષ પૉલ અને કરણ જૌહર ઝલક દિખલા જા રિયલિટી ટેલીવિઝન શોની છઠી આવૃત્તિમાં નજરે પડે છે. કરણ જૌહર તેમાં નિર્ણાયક છે, તો મનીષ પૉલ હોસ્ટની ભૂમિકામાં છે.

English summary

Manish Paul, set to make his Bollywood debut with "Mickey Virus", hopes to work with Karan Johar one day as the popular filmmaker has promised him a suitable role in future.