ન્યૂડ ફોટો પોસ્ટ કરવાને મિલિંદ સોમને ગણાવી ભારતીય સંસ્કૃતિ, કહ્યુ - અમેરિકામાં આવુ કરવુ ગેરકાયદે
મિલિંદ સોમને પોતાના ન્યૂડ ફોટા પર સફાઈ આપીને કહ્યુ છે કે તેમણે કંઈ ખોટુ નથી કર્યુ.
બૉલિવુડ અભિનેતા અને લોકપ્રિય મૉડલ મિલિંદ સોમન થોડા સમય પહેલા પોતાના ન્યૂડ ફોટા પોસ્ટ કરવાના કારણે બહુ મોટા વિવાદનો હિસ્સો બની ગયા હતા. સોશિયલ મીડિયા પર પોતાના ફોટા માટે તે બહુ ખરાબ રીતે ટ્રોલ પણ થયા. આના પર મિલિંદ સોમને સફાઈ આપીને કહ્યુ છે કે તેમણે કંઈ ખોટુ નથી કર્યુ. મિલિંદ સોમને પોતાના ન્યૂડ ફોટા પર ભારતીય કલ્ચરની વાત રાખી છે અને કહ્યુ કે આ સમાજના બહુ મોટા હિસ્સા માટે વેકઅપ કૉલ છે. ખાસ કરીને તેમના માટે જે નથી જાણતા કે ઈન્ટરનેટ કઈ રીતે કામ કરે છે.
આ કોઈ સંસ્કૃતિનુ અપમાન નથી
મિલિંદે એ પણ જણાવ્યુ કે તેમનો જે ફોટો વાયરલ થયો હતો તેને તેમની પત્ની અંકિતા કંવરે કેમેરામાં કેદ કર્યો હતો. મિલિંદે એ પણ કહ્યુ કે આ ભારતીય સંસ્કૃતિનુ પ્રતિનિધિત્વ કરે છે. મિલિંદ સોમને કહ્યુ કે આ કોઈ સંસ્કૃતિનુ અપમાન નથી. તમને જણાવી દઈએ કે મિલિંદે પોતાનો ન્યૂડ ફોટો 55માં બર્થડે પર શેર કર્યો હતો.
ભારતીય સંસ્કૃતિ ઘણી વિશાળઃ મિલિંદ
એક વેબસાઈટ સાથે વાત કરતા મિલિંદ સોમને કહ્યુ કે ભારતીય સંસ્કૃતિ ઘણી વિશાળ છે. વિવિધતાથી પૂર્ણ છે. મે ઘણી યાત્રાઓ કરી છે વિવિધ રાજ્યોમાં. હું લોકો વચ્ચે રહ્યો છુ. તેમણે આગળ કહ્યુ કે તમે એ નથી જાણતા કે ભારતની સંસ્કૃતિ શું છે? લોકો એમ સમજે છે કે મારુ જે ઘર પરિવાર છે તે જ સારા કલ્ચરને માને છે. બીજા લોકો અમેરિકી કલ્ચર કરે છે. અમેરિકામાં ન્યૂડ થવુ ગેરકાયદે છે. ભારતના તમામ હિસ્સામાં આવુ નથી. હું માનુ છુ કે આ ભારતનુ કલ્ચર છે. મને લાગે છે કે આ ભારતીય સંસ્કૃતિ છે.
ઈન્સ્ટાગ્રામને પણ કોઈ સમસ્યા નહોતી
મિલિંદે આગળ કહ્યુ કે મે મારા ફોટા ઈન્સ્ટાગ્રામ પર શેર કર્યા હતા. જો ઈન્સ્ટાગ્રામને કોઈ વાંધો હોય તો તે પોસ્ટ હટાવી શકે છે. ઈન્સ્ટાગ્રામના પણ પોતાના નિયમ છે. મિલિંદે પોતાની વાત સમજાવતા કહ્યુ કે મારા માટે સમાજનો અર્થ છે કે દરેકનુ પોતાનુ મંતવ્ય છે પરંતુ કોઈનુ પણ મંતવ્ય એવુ ન હોવુ જોઈએ જે કોઈ બીજાને પ્રભાવિત કરે.
Click it and Unblock the Notifications
Sign in with Google
