રણવીર સિંહ સાથે ધમાકેદાર ડેબ્યુ માટે તૈયાર છે માનુષી છિલ્લર

માનુષી છિલ્લર, જેમણે 2017 માં વિશ્વ સુંદરી ટાઇટલ જીત્યું હતું, હવે બૉલીવુડમાં ઍન્ટ્રિ લેશે. રિપોર્ટ્સ અનુસાર માનુષી છિલ્લર યશ રાજ ફિલ્મ્સના બેનર હેઠળ ફિલ્મ ઇન્ડસ્ટ્રીમાં પ્રવેશ કરશે

Updated: Tuesday, April 9, 2019, 16:54 [IST]

માનુષી છિલ્લર, જેમણે 2017 માં વિશ્વ સુંદરી ટાઇટલ જીત્યું હતું, હવે બૉલીવુડમાં ઍન્ટ્રિ લેશે. રિપોર્ટ્સ અનુસાર માનુષી છિલ્લર યશરાજ ફિલ્મ્સના બેનર હેઠળ ફિલ્મ ઇન્ડસ્ટ્રીમાં પ્રવેશ કરશે, જ્યાં તેમની ઓપોઝિટ રણવીર સિંહ હશે. આ ફિલ્મના ડાયરેક્ટર મનીષ શર્મા હશે. હાલમાં, બંને અભિનેતાઓ તેમના પ્રોજેક્ટ્સમાં વ્યસ્ત છે, તેથી, થોડા સમય પછી ફિલ્મ ફ્લોર પર આવશે.

તેમાં કોઈ શંકા નથી કે જો આ પ્રોજેક્ટ ફાઇનલ થઇ ગયો તો, તો માનુષીની એન્ટ્રી ખૂબ જ જબરજસ્ત થવાની છે. જોકે અફવાઓ એ પણ છે કે ફરાહ ખાનની આગામી ફિલ્મ માટે માનુષીને અપ્રોચ કરવામાં આવી રહ્યો છે, જેને રોહિત શેટ્ટી પ્રોડ્યુસ કરી રહ્યા છે. પરંતુ હજુ સુધી કોઈ સત્તાવાર જાહેરાત કરવામાં આવી નથી.

આ પણ વાંચો: સમુદ્ર કિનારે માનુષીએ તેની અદાઓથી લગાવી આગ, જુઓ લેટેસ્ટ ફોટોશૂટ

માનુષી અને રણવીર સિંહ આ પહેલા પણ કેટલીક ટીવી એડમાં સાથે દેખાઈ ચુક્યા છે.. અને ચાહકોએ તેમને એકસાથે ખુબ પસંદ કર્યા છે. અને એવોર્ડ ફંક્શનમાં પણ માનુષી રણવીર અને શાહરુખ ખાન સાથે ડાન્સ કરી ચુકી છે. તેથી, જો માનુષી અને રણવીર સાથે ફિલ્મમાં આવે તો, તે ચાહકો માટે એક મોટું સરપ્રાઈઝ હશે.

એવું કહેવાય છે કે યશરાજની આ ફિલ્મ ખૂબ જ મોટા સ્તરે બનાવવામાં આવશે. પરંતુ હવે રણવીર સિંહ તેમની આગામી ફિલ્મ 83 માં વ્યસ્ત છે, જે ક્રિકેટ વર્લ્ડ કપ 1983 પર આધારિત છે. આ ફિલ્મમાં ભારતીય ક્રિકેટર કપિલ દેવની ભૂમિકામાં રણવિર સિંહ દેખાશે. આ ફિલ્મ પછી રણવીર તખ્તમાં જોવા મળશે. જેના પછી જ યશરાજ ફિલ્મ શરૂ કરી શકશે.