વ્યૂઅર્સ રિવ્યૂ : મર્ડર સિરીઝનું મર્ડર કરતી મર્ડર 3

Published: Monday, February 18, 2013, 17:01 [IST]

મુંબઈ, 18 ફેબ્રુઆરી : યોગ્ય સ્થાને ખોટાભાઈ જયંતાભાઈ. કંઈક એવાં જ પ્રત્યાઘાત સાંપડ્યાં દર્શકો તરફથી મર્ડર 3 જોયા બાદ. જેમ કે ફિલ્મની રિલીઝ પહેલાં જ કેટલાંક સમીક્ષકોનું કહેવુ હતું કે ફિલ્મ બહેતરીન છે. રણદીપ હુડાએ ઇમરાન હાશમીની ખોટ જણાવા દીધી નથી. બંને અભિનેત્રીઓ અદિતી રાવ હૈદરી તથા સારા લૉરેન શો સ્ટોપર છે અને વિશેષ બટ્ટે પોતાની પ્રથમ જ ફિલ્મમાં ચોગ્ગો માર્યો, પણ એવું કશું જ જોવા ન મળ્યું. ફિલ્મ જોયા બાદ ફિલ્મ અંગે લોકોના પ્રત્યાઘાત આનાથી વિરુદ્ધ હતાં. ફિલ્મમાં જો કંઈ સારૂ હતું, તો તે માત્ર કેટલાંક ગીતો અને અદિતી તેમજ રણદીપ ઉપર ફિલ્માવેલા કેટલાંક સીન્સ.

મર્ડર 3ની શરુઆત થઈ ફરી એક બારમાં બેસી દારૂ પીતા વિક્રમ (રણદીપ હુડા)થી. તે બારની વેટરેસ નિશા (સારા લૉરેન) નશામાં ધુત વિક્રમની મદદ કરે છે અને તેને પોતાના ઘરે લઈ આવે છે. સવારે ઉઠતાં જ વિક્રમ વગર કંઈ કહ્યે નિશાના ઘરેથી નિકળી જાય છે. પોતાના મિત્રને મળી તે કહે છે કે તેને એટલું કામ જોઇએ કે તે પોતાની જાતને પણ ભુલી જાય. તેનો મિત્ર કહે છે કે તે સૌપ્રથમ પોતાની જૂની યાદો નાબૂદ કરે અને પછી આગળ વધે. વિક્રમ પોતાના જૂના પ્રેમ રોશની (અદિતી)ની યાદોમાંથી છુટકારો પામવા નિશાનો સહારો લે છે.

એક દિવસ શહેરથી દૂર અને વેરાન સ્થળે આવેલ વિક્રમના ઘરે નિશાને સીબીઆઈ ઑફિસર મળે છે કે જે રોશનની શોધમાં છે. નિશા રોશની અંગે કંઈ નથી જાણતી. વિક્રમને તે પૂછે છે, તો વિક્રમ તેને બતાવે છે કે રોશની તેને છોડી ચાલી ગઈ છે અને હવે તેના જીવનમાં માત્ર નશો છે.

બીજીબાજુ નિશાના ઘરના બાથરૂમમાંથી વિચિત્ર અવાજો આવે છે અને તેને લાગે છે કે ઘરમાં ભૂત છે. આ તમામ ગૂંચવણોથી ઘેરાયેલી વાર્તા વચ્ચે અનેક વાર દર્શકો પોતાને ખોવાયેલા અનુભવે છે. વાર્તા સારી છે, પણ મર્ડર સિરીઝના લેવલની નથી લાગતી. લાગે છે કે મર્ડર સિરીઝનું મર્ડર જ થઈ ગયું હોય મર્ડર 3માં. રણદીપે બહેતરીન એક્ટિંગ કરી, પણ છતાંય ઇમરાનની ખોટ અનુભવાઈ. સારા અને અદિતી પોતાનો સૌંદર્ય વટાવતાં નજરે પડ્યાં. આખી ફિલ્મમાં દર્પણનો મહત્વનો રોલ છે.

Published On February 18, 2013